Fillitagol 4:7 - Dewtere Laamɗo Fulfulde Burkina Faso

⁷ Lenyol ngole, fay hakkunde lenyi mawɗi woodi allaaji ɓattoriiɗi ɗum hono no Joomiraaɗo, Laamɗo meeɗen worri e meeɗen nde nodduɗen ɗum fuu ni?

Fillitagol 4:7 ပူးပေါင်းရင်းမြစ်များ

2 Samuwiila 7:23

Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

Limle 23:21

O yi'aay fuu ko boni e Yaakuuba, O taykaaki feloore e Israa'iila. Joomiraaɗo, Laamɗo makko na wondi e makko. Wo to makko duko kelle laamu nanetee.

Limle 23:9

Miɗo yi'a dow tefaaje, Miɗo haccoo dow baamle, yimɓe wuuruɓe feere muɓɓen, yimɓe ɓe kawritataa e lenyi goɗɗi.

Golle Nelaaɓe 17:27

Laamɗo waɗii ɗum faa ɓe piloo ɗum, ɓe memmemta faa ɓe njiita ɗum. E ɗum fuu o woɗɗaaki fay gooto e meeɗen.

Fillitagol 26:19

Noon o waɗi faa o ɓurna on teddeengal e innde anndaaku e maneede hakkunde lenyi adunaaru ɗi o tagi fuu de laatoɗon lenyol ceniingol saabe Joomiraaɗo, Laamɗo mooɗon fodde no wiirunoo on noon.

Fillitagol 33:29

Aan Israa'iila, a heɓii barke. Moy wa'i hono maaɗa ni? Aan woni lenyol ngol Joomiraaɗo hisini. Imo laatanii ma wawaade reenoore ma, kanko woni kaafaahi kokkoohi ma jaalorgal. Wayɓe mon turoyto yeeso mooɗon saabe kulol, onon du njaaɓon kunkuuji maɓɓe.

Fillitagol 4:32

Miilee ko wittii, ƴamon duuɓi paltiiɗi fadde mon e rimeede, gilla nyannde Laamɗo tagunoo ɓii-Aadama ley adunaaru. Ƴamon gilla keerol leydi ngol faa yaade ngoltoo yalla woodii ko mawni foti ɗuum naa, naa hono ɗuum nananooma abada?

Fillitagol 5:26

Moy heɓi nanude daande Laamɗo Buurɗo na haala nder yiite hono no amin ni de heddodii e yonki?

Yaakuuba 4:8

Ɓattee Laamɗo, ndeen kam du ɓadoto on. Onon luttuɓe, laaɓinee juuɗe mon. Onon waɗuɓe ɓerɗe ɗiɗi, laaɓinee ɓerɗe mon!