Fillitagol 4:46 - Dewtere Laamɗo Fulfulde Burkina Faso

⁴⁶ Wakkati oon iɓe njooɗii lettugal Urdun ley naɗɗol yeeso Bayti-Peyor, leydi Sihon kaananke Amorinkooɓe jooɗinooɗo Hesbon mo Muusaa e Israa'iila'en njaalii nde mburtinoo leydi Misira ndeen.

Fillitagol 4:46 ပူးပေါင်းရင်းမြစ်များ

Nehemiya 9:22

A hokkii ɓe jaalorgal dow kaanankooɓe e lenyi goɗɗi, kokkuɗaa ɓe leyɗe laatoo dongu maɓɓe. Ɓe teetii leydi Sihon, kaananke Hesbon e leydi Oga, kaananke Baasan.

Limle 21:35

Israa'iila'en tappi mo kanko e ɓiɓɓe makko e yimɓe makko fuu, poofoowo fay gooto heddaaki de ɓe njeyti leydi makko.

Limle 32:19

Ammaa min ngalaa ngeɗu hakkunde maɓɓe gorgal Urdun toon, sabo ngeɗu amin wo lettugal Urdun hetti.

Fillitagol 1:1

Inan haalaaji ɗi Muusaa haaldi e jamaare Israa'iila'en nde ngonnoo lettugal Urdun ley ladde yoornde, nder njaayri Araba yeeso Suuf, hakkunde Paran e Tofel e Laban e Hajerot e Di-Jahab.

Fillitagol 3:29

Gilla ndeen keddiɗen ley naɗɗol yeeso Bayti-Peyor.

Fillitagol 3:8

Noon teetirɗen leyɗe kaanankooɓe Amorinkooɓe ɗiɗo ɓeen gilla lettugal Urdun, daande Arnon faa hewti waamnde Hermon.

Fillitagol 34:6

Joomiraaɗo uwi Muusaa ley naɗɗol Mo'ab yeeso Bayti-Peyor. Fay gooto anndaa toy saabeere makko woni faa warde hannden.

Fillitagol 4:45

Ɗee ngoni jamirooje e sariyaaji e kiite ɗe Muusaa janngini Israa'iila'en nde mburtinoo leydi Misira.

Fillitagol 4:47

Ɓe njeyti leydi makko e ndi Oga kaananke Basan. Kaanankooɓe Amorinkooɓe ɗiɗo ɓeen fuu lettugal Urdun njooɗinoo.

Yoosuwa 12:1

Yimɓe Israa'iila njaalake laamiiɓe ɗiɗo lettugal gooruwol Urdun. Ɓe teeti leyɗe ɗe ɓeen njeynoo, gilla naɗɗol Arnon faa yotti waamnde Hermon e lettugal naɗɗol Urdun.

Yoosuwa 24:12

Mi waɗii kulol manngol nyanngungol hono jabbatti ni ardoo on, faa riiwa laamiiɓe Amorinkooɓe ɗiɗo ɓeen. Wanaa e kaafaaje mon naa e ɓaaruuji mon ndiiwirɗon ɓe.