Fillitagol 4:34 - Dewtere Laamɗo Fulfulde Burkina Faso

³⁴ Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Fillitagol 4:34 ပူးပေါင်းရင်းမြစ်များ

Wurtagol 1:9

O wi'i yimɓe makko: — Inan yimɓe Israa'iila wo lenyol ɓurngol lenyol meeɗen ɗuuɗude e semmbe.

Wurtagol 10:21

Ndeen Joomiraaɗo wi'i Muusaa: — Ɓantu junngo maa dow faa nimre waɗa dow leydi Misira, nimre tekkunde faa ina waawi meemeede.

Wurtagol 10:7

Gollooɓe Fira'awna mbi'i ɗum: — Faa ndeye neɗɗo oo selata laatanaade en torra? Accu yimɓe ɓeen ndilla, ɓe ɗowtanowoo Joomiraaɗo, Laamɗo maɓɓe oon. Faa hannden a faamaay Misira halkii naa?

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 14:30

Wo noon Joomiraaɗo danniri Israa'iila'en e baawɗe Misirankooɓe nyannde ndeen. Israa'iila'en nji'i Misirankooɓe maayɓe ina mbaalii daande maayo.

Wurtagol 15:11

Moy woni nannduɗo e maaɗa, hakkunde allaaji goɗɗi, yaa Joomiraaɗo? Moy woodi darja e senaare hono maa, Aan kulɓiniiɗo, maneteeɗo, golloowo ko haayni!

Wurtagol 19:4

Onon e ko'e mon, on nji'ii ko ngaɗumi Misirankooɓe. Mi yowii on hono dow bippeele ciilal de ngaddumi on to am.

Wurtagol 3:10

Mi nelete to Fira'awna faa mburtinaa yimɓe am Israa'iila'en ɓeen leydi Misira.

Wurtagol 6:6

Saabe ɗuum mbi'aa yimɓe Israa'iila: Miin woni Joomiraaɗo, mi wurtinan on ley golleeji tiiɗɗi ɗi Misirankooɓe ngatti on ɗiin. Mi dannan on e maccungaaku maɓɓe, mi rimɗiniran on junngo semmbiɗinngo e sariyaaji mawɗi ɗi ngaɗammi.

Wurtagol 7:3

Ammaa mi yoornan ɓernde Fira'awna. Mi hebbinan maandeeji am kaayniiɗi ley leydi Misira.

Limle 20:16

Ndeen min mbullitii Joomiraaɗo de nani bojji amin. O neli maleyka wurtini min leydi Misira. Inan miɗen ngoni Kaades, galluure wonnde keerol leydi maaɗa.

Fillitagol 1:30

Joomiraaɗo, Laamɗo mooɗon ardoto on, kam e hoorem haɓanan on hono no waɗirnoo e gite mon leydi Misira noon.

Fillitagol 10:21

Wo kanko woni mo njettoton. Wo kanko woni Laamɗo mooɗon. Wo kanko waɗi to mooɗon golle mawɗe kulɓiniiɗe ɗe gite mon nji'i ɗeen.

Fillitagol 11:2

Miccitoɗon hannden ko Joomiraaɗo waɗi, de sukaaɓe mooɗon ɓeen kaa nji'aay ɗuum: Ɓe anndaano ekintinooje ɗe Joomiraaɗo, Laamɗo mooɗon hokki on ɗeen. Ɓe nji'aay manngu muuɗum e baawɗe muuɗum e semmbe muuɗum mawɗo oon.

Fillitagol 26:8

Ndeen o wurtiniri min leydi Misira ndiin e semmbe makko mawɗo e maandeeji kaayniiɗi kulɓiniiɗi.

Fillitagol 29:3

Ammaa faa warde hannden Joomiraaɗo hokkaay on hakkillo faa paamon, o hokkaay on gite faa nji'on e noppi faa nanon.

Fillitagol 33:29

Aan Israa'iila, a heɓii barke. Moy wa'i hono maaɗa ni? Aan woni lenyol ngol Joomiraaɗo hisini. Imo laatanii ma wawaade reenoore ma, kanko woni kaafaahi kokkoohi ma jaalorgal. Wayɓe mon turoyto yeeso mooɗon saabe kulol, onon du njaaɓon kunkuuji maɓɓe.

Fillitagol 34:12

Walaa fuu annabaajo keɓuɗo baawɗe waɗude kujje mawɗe kulɓiniiɗe sanne hono no Muusaa waɗiri e gite jamaare Israa'iila noon.

Fillitagol 5:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa wurtiniri ma semmbe mawɗo. Saabe ɗuum de Joomiraaɗo, Laamɗo maaɗa yamiri ma kakkilanaa nyalaande fowteteende ndeen.

Fillitagol 6:21

Ndeen njaaboɗon ɓe mbi'on: — Enen, en laatakeno maccuɓe Fira'awna, kaananke leydi Misira, ammaa Joomiraaɗo wurtinirii en leydi ndiin e semmbe mawɗo.

Fillitagol 7:19

On njiiri gite mon torraaji mawɗi e maandeeji e kaayeefiiji e semmbe mawɗo nde Joomiraaɗo, Laamɗo mooɗon wurtinannoo on ndeen. Wo noon o waɗata lenyi ɗi kuloton ɗiin fuu.

Fillitagol 9:29

Ammaa wo ɓe ndongu maaɗa, yimɓe maa ɓe mburtinirɗaa baawɗe maaɗa e semmbe mawɗo.

Yoosuwa 24:7

Ndeen ɓe ƴeewnii kam mi walla ɓe. Ngaɗumi nimre hakkunde maɓɓe e Misirankooɓe. Mi waɗii ndiyam maayo suddii Misirankooɓe, ɗam moɗi ɓe. Onon e ko'e mon on nji'ii ko ngollumi Misirankooɓe. «Caggal ɗuum on mbuurii nder ladde yoornde faa waɗi duuɓi keewɗi.

1 Piyeer 5:6

Ndelle, leeƴinkinanee Laamɗo jom semmbe oon, faa toowna on si wakkati cuɓaaɗo oon yottake.