Fillitagol 4:32 - Dewtere Laamɗo Fulfulde Burkina Faso

³² Miilee ko wittii, ƴamon duuɓi paltiiɗi fadde mon e rimeede, gilla nyannde Laamɗo tagunoo ɓii-Aadama ley adunaaru. Ƴamon gilla keerol leydi ngol faa yaade ngoltoo yalla woodii ko mawni foti ɗuum naa, naa hono ɗuum nananooma abada?

Fillitagol 4:32 ပူးပေါင်းရင်းမြစ်များ

Fuɗɗoode 1:27

Laamɗo tagi neɗɗo e alhaali muuɗum. Wo e alhaali makko o tagi neɗɗo oon. Laamɗo tagi ɓe gorko e debbo.

2 Samuwiila 7:23

Lenyol fay gootol walaa ley adunaaru nanndungol e yimɓe maaɗa Israa'iila. Si goonga, lenyol gonngol walaa ngol aan Laamɗo yehi soottiti ƴuwde e maccungaaku, faa laatoo yimɓe maaɗa, faa mawninaa innde maaɗa. A waɗanii hoore maa kulle mawɗe, a waɗii kulle kaayniiɗe du saabe leydi maa. A soottitii ndi e leydi Misira, a riiwii lenyi goɗɗi e tooruuji muɓɓen yeeso yimɓe maaɗa.

Ayuuba 8:8

Wooɗi, ƴamu jamaanuuji arandeeji, taykoɗaa paamal ngal maamiraaɓe keɓunoo.

Wurtagol 34:10

Joomiraaɗo jaabii wi'i: — Miin e hoore am mi waɗan amaana. Mi waɗan yeeso yimɓe ɓeen kujje kaayniiɗe ɗe ngaɗaynoo abada ley adunaaru, ko waɗaayno yeeso lenyol fay gootol du. Lenyi piiliiɗi ma ɗiin fuu nji'an baawɗe Joomiraaɗo, ɓe nji'an ko ngaɗananmaami ɗuum no hulɓinorii.

Amos 3:2

Mi senndii on onon tan hakkunde lenyi adunaaru fuu. Saabe ɗuum de mi hiitoto hakkeeji mooɗon ɗiin fuu.

Matta 24:31

Buututal manngal fuufete, de o nula maleyka'en makko lettugal e gorgal, horɗoore e soɓɓiire, kawrundura suɓaaɓe makko ɓeen gilla to adunaaru fuɗɗi faa to haaɗi.

Marka 13:27

O nulan maleyka'en makko lettugal e gorgal, horɗoore e soɓɓiire, kawrundura suɓaaɓe makko ɓeen gilla to adunaaru fuɗɗi faa to haaɗi.

Fillitagol 28:64

Joomiraaɗo sankitan on hakkunde lenyi keddiiɗi fuu gilla keerol leydi nano faa ngol nyaamo. Toon ɗowtanoytoɗon allaaji goɗɗi ɗi onon e maamiraaɓe mon fuu anndaano, ɗum woni allaaji gaɗiraaɗi leɗɗe e kaaƴe.

Fillitagol 30:4

Fay si tawi faa keerol leydi njaaraɗon, Joomiraaɗo, Laamɗo mooɗon hawrondinowan on toon de wartira on.

Fillitagol 32:7

Miccitee ko waɗunoo arannde, miiloɗon duuɓi bittiiɗi, jamaanuuji paltiiɗi. Ƴamee baabiraaɓe mon, ɓe kollan on. Ƴamon nayeeɓe mon, ɓe pillanto on.

Fillitagol 33:29

Aan Israa'iila, a heɓii barke. Moy wa'i hono maaɗa ni? Aan woni lenyol ngol Joomiraaɗo hisini. Imo laatanii ma wawaade reenoore ma, kanko woni kaafaahi kokkoohi ma jaalorgal. Wayɓe mon turoyto yeeso mooɗon saabe kulol, onon du njaaɓon kunkuuji maɓɓe.

Fillitagol 4:7

Lenyol ngole, fay hakkunde lenyi mawɗi woodi allaaji ɓattoriiɗi ɗum hono no Joomiraaɗo, Laamɗo meeɗen worri e meeɗen nde nodduɗen ɗum fuu ni?