Fillitagol 4:29 - Dewtere Laamɗo Fulfulde Burkina Faso

²⁹ Ndeen on piloto Joomiraaɗo, Laamɗo mooɗon de njiiton ɗum, si on tewtirii ɗum e ɓerɗe mon fuu e yonkiiji mon fuu.

Fillitagol 4:29 ပူးပေါင်းရင်းမြစ်များ

2 Kaanankooɓe 10:31

Ammaa fay e noon, o hiilnaaki jamirooje Joomiraaɗo, Laamɗo Israa'iila, e ɓernde makko fuu. O laaɓaay e hakkeeji ɗi Yerobo'am wattunoo Israa'iila'en ɗiin.

2 Kaanankooɓe 23:3

O darii dow bimmbeere o waɗi amaana yeeso Joomiraaɗo faa o ɗowtanoo ɗum, o tiigoo jamirooje e seedaakuuji e sariyaaji muuɗum e ɓernde makko e hakkillo makko fuu, o jokka haalaaji mbinndaaɗi ley dewtere ndeen fuu. Yimɓe fuu anniyii ɗowtanaade amaana oon.

Nehemiya 1:9

Ammaa si on njeccake ɗo am, on njogake jamirooje am, on njaɓi wadde ko mbiimi on ngaɗon ɗum fu, mi hawrondinan on. Fay si tawi on cankitaama njaaraɗon faa keerol duuniyaaru, mi hawrondinan on to tawaɗon fuu, de mi wadda on nokkuure nde cuɓiimi faa innde am teddinee.»

Nehemiya 9:27

Saabe majjum de ngattuɗaa ɓe e juuɗe wayɓe maɓɓe de torri ɓe. Ley torra oon, ɓe mbullitii ma faa mballaa ɓe, aan du, nanuɗaa bojji maɓɓe. Saabe yurmeende maaɗa mawnde, a hokki ɓe hisinooɓe ɓe e wayɓe maɓɓe.

Amos 5:4

Inan ko Joomiraaɗo wi'i dow Israa'iila: Pilee kam faa mbuuron.

Fillitagol 10:12

Joonin le, onon Israa'iila'en, ɗume Joomiraaɗo, Laamɗo mooɗon haajaa to mooɗon? Si wanaa kulon ɗum de ndewon laabi muuɗum, njiɗon ɗum de ɗowtanoɗon ɗum e ɓerɗe mon e yonkiiji mon fuu.

Fillitagol 11:13

Si on kakkilanii jamirooje ɗe kokkammi on hannden, on njiɗii Joomiraaɗo, Laamɗo mooɗon, on ɗowtanake mo e ɓerɗe mon e yonkiiji mon fuu,

Fillitagol 26:16

Hannden Joomiraaɗo, Laamɗo mooɗon na yamira ngaɗon ko sariyaaji muuɗum e kiite muuɗum mbi'i ɗuum. Tinnoɗon e ɗowtanaade ɗe de ngaɗon ko ɗe mbi'i fuu e ɓerɗe mon fuu e yonkiiji mon fuu.

Fillitagol 30:10

Noon laatortoo si on njeccake to Joomiraaɗo, Laamɗo mooɗon, e ɓerɗe mon fuu e yonkiiji mon fuu, si on kettindanake ɗum, on ɗowtanake jamirooje muuɗum e sariyaaji muuɗum binndaaɗi ley dewtere Tawreeta ndee.

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Yoosuwa 22:5

Ammaa kakkilee wooɗa, njokkon Tawreeta mo Muusaa maccuɗo Joomiraaɗo hokki on oon faa laaɓa. Njiɗee Joomiraaɗo, Laamɗo mooɗon, njokkee laabi makko fuu, ɗowtanee jamirooje makko, tiigonduree e makko, ngollanee mo e ɓerɗe mooɗon fuu e yonkiiji mon fuu.

1 Samuwiila 7:3

Ndeen Samuwiila wi'i yimɓe Israa'iila fuu: — Si on ngartii to Joomiraaɗo e ɓerɗe mooɗon fuu, sanaa mboɗɗoɗon alla'en woɓɓe e tooru wi'eteendu Astarta hakkunde mooɗon. Sanaa ponndinon ɓerɗe mooɗon to Joomiraaɗo, ɗowtanoɗon ɗum kam tan. Ndeen o dannan on e juuɗe Filistiyankooɓe.