Fillitagol 4:28 - Dewtere Laamɗo Fulfulde Burkina Faso

²⁸ Toon ɗowtanoytoɗon allaaji tagiraaɗi juuɗe ɓiɓɓe-Aadama, tooruuji leɗɗe e kaaƴe ɗi mbaawaa yi'ude naa nanude naa nyaamude naa uurnaade.

Fillitagol 4:28 ပူးပေါင်းရင်းမြစ်များ

2 Kaanankooɓe 17:40

Ammaa ɓe kettindaaki. Ɓe keddake e waɗude al'aadaaji maɓɓe arandeeji.

Golle Nelaaɓe 19:26

Oɗon nji'a, oɗon nana no Pool oon heɓiri hakkillo yimɓe heewɓe, ina wosina ɗum'en, wanaa ley Efeesu ɗo tan, ley leyɗe Aasiya fuu. Imo wi'a ɓe kulle deweteeɗe ɗe yimɓe moƴƴiniri juuɗe muɓɓen ɗeen nganaa deweteeɗe.

Golle Nelaaɓe 7:42

Ndeen Laamɗo tottitii ɓe, yoppiri ɓe rewude koode kammu, hono no winndiraa e dewtere annabaaɓe: «Hey lenyol Israa'iila! Duuɓi capanɗe nay ɗi ngaɗuɗon ley ladde ɗiin, on ngaɗanii kam sadakaaji e kirsamaaji naa?

Fillitagol 28:36

Joomiraaɗo waɗan onon e kaananke mo cuɓiɗon laatoo hooreejo mon oon fuu njaareɗon leydi njanandi ndi onon e maamiraaɓe mon fuu anndaano. Toon ɗowtanoytoɗon allaaji goɗɗi gaɗiraaɗi leɗɗe e kaaƴe.

Fillitagol 28:64

Joomiraaɗo sankitan on hakkunde lenyi keddiiɗi fuu gilla keerol leydi nano faa ngol nyaamo. Toon ɗowtanoytoɗon allaaji goɗɗi ɗi onon e maamiraaɓe mon fuu anndaano, ɗum woni allaaji gaɗiraaɗi leɗɗe e kaaƴe.

Fillitagol 29:17

Ndelle saabe ɗuum, kakkilon taa ɓernde fay gooto hakkunde mooɗon, wanaa gorko, wanaa debbo, wanaa suudu, wanaa lenyol, tottitoo Joomiraaɗo, Laamɗo meeɗen de yaha ɗowtanowoo allaaji lenyi ɗiin. Taa ɗaɗol lekki ndimoohi ko warata naa tooke barooje tawee hakkunde mooɗon.

Holleede 9:20

Yimɓe heddiiɓe ɓe masiibaaji ɗiin mbaraay ɓeen tuubaay e golle juuɗe muɓɓen. Ɓe njoppaay sujidande ginnaaji, kam e tooruuji gaɗiraaɗi kaŋŋe e cardi e njamndi mboɗeeri e kaaƴe e leɗɗe. Iɓe cujidana tooruuji ɗi nji'ataa, ɗi nanataa, ɗi njahataa.

1 Samuwiila 26:19

Jonle joomam kaananke, hettina haalaaji maccuɗo maaɗa. Si wo Joomiraaɗo saabii laatoɗaa ganyo am fu, o jaɓa sadaka am. Ammaa si wo yimɓe ngaɗi ɗum fu, ɓe laatoo huɗaaɓe yeeso Joomiraaɗo, sabo hannden ɓe ndiiwii kam taa mi heɓa ngeɗu am e ley ndongu Joomiraaɗo. Ɓe mbi'ii mi yaha, mi teddina alla'en woɓɓe.