Fillitagol 4:23 - Dewtere Laamɗo Fulfulde Burkina Faso

²³ Ndeentee, taa njeggiton amaana mo Joomiraaɗo, Laamɗo mooɗon waddi e mooɗon de ngaɗanon ko'e mooɗon tooru gomma, natal nanndinaangal e ko Joomiraaɗo, Laamɗo mooɗon haɗi ɗuum fuu.

Fillitagol 4:23 ပူးပေါင်းရင်းမြစ်များ

2 Kaanankooɓe 17:38

Taa njeggiton amaana mo ngaddunoomi e mooɗon, wooɗi du taa kulon allaaji goɗɗi.

1 Kabaaruuji Laamiiɓe 16:15

Miccitoɗon amaana makko oon faa abada, njogitoɗon aadi makko faa jamaanuuji ujunere.

Wurtagol 23:13

Ngaɗon ko mbi'umi on ɗuum wooɗi du, taa noddon allaaji feere, taa fay inɗe majji nanee e kunnduɗe mooɗon.

Limle 15:39

Noon waɗata faa nde nji'oyɗon bukki ɗiin fu, miccitoɗon jamirooje Joomiraaɗo de ngaɗon ko wi'i taa ɓerɗe mooɗon maa gite mooɗon ngaddana on luttude yamiroore makko.

Matta 24:4

Iisaa jaabii ɓe, wi'i: — Ndeentee taa fay gooto wosina on e goonga.

Luuka 12:15

O wi'i jamaa oon: — Tinnee ndeentee e eelgal jawdi fuu, sabo wanaa jawdi wuurnata neɗɗo, fay si tawaa wo jom jawdi.

Luuka 21:8

O wi'i: — Ndeentee taa mbosineɗon e goonga. Heewɓe ngardan e innde am, ina mbiitoo: «Miin woni kanko», ina mbi'a du: «Wakkati oon ɓadake.» Taa njokkee ɓe.

Fillitagol 16:22

Taa ndarnanon ko'e mon kaaƴe cehaaɗe sabo Joomiraaɗo, Laamɗo mooɗon na wanyi iri ɗuum e banndum.

Fillitagol 27:15

Kuddi woodana neɗɗo fuu cehuɗo leggal naa tafuɗo njamndi waɗi tooru, ko harmi yeeso Joomiraaɗo, ko juuɗe tagaaɗo cehi de resi ɗum ley nokkuure suuɗiinde. Ndeen yimɓe fuu njaaboo mbi'a: «Aamiina.» —

Fillitagol 27:9

Muusaa e almaami'en Lewinkooɓe kaaldi e jamaare Israa'iila mbi'i: — Israa'iila, hettinda faa nanaa. Hannden a laatake lenyol Joomiraaɗo, Laamɗo maaɗa.

Fillitagol 29:25

Ɓe njehii ɓe ɗowtanowake allaaji goɗɗi, ɓe ndikkinake yeeso muɓɓen, allaaji ɗi ɓe anndaano wooɗi du, ɗi ɓe kokkaaka laatoo jeyal maɓɓe.

Fillitagol 31:20

Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.

Fillitagol 4:25

Nde naywoyɗon ley leydi ndiin, tawi on ngaɗi ɓiɓɓe e taaniraaɓe, si on naatii e waɗude ko boni yeeso Joomiraaɗo, Laamɗo mooɗon, hono sehande ko'e mon tooru, alhaali laatiiɗo fuu, si on ngaɗii ko metti ɗum fu,

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 5:2

Joomiraaɗo, Laamɗo meeɗen waɗidii e meeɗen amaana nde ngonnoɗen waamnde Sinayi.

Fillitagol 6:12

tinnoɗon taa njeggiton Joomiraaɗo burtinɗo on leydi Misira, ley suudu maccungaaku oon.

Ibraninkooɓe 3:12

Ndelle sakiraaɓe, kaybee taa fay gooto mooɗon tawree ɓernde bonnde nde walaa goonɗinal, de sela Laamɗo Buurɗo.

Yoosuwa 23:11

Saabe majjum kakkilee, njiɗee Joomiraaɗo, Laamɗo mon.

Yoosuwa 23:16

Si on luttii amaana mo Joomiraaɗo, Laamɗo mon yamiri on oon, si on ɗowtanake allaaji goɗɗi, si on cujidanii ɗi fu, tikkere Joomiraaɗo saaman dow mooɗon, on kalkan law nder leydi lobbiri ndi o hokki on ndiin.