Fillitagol 4:19 - Dewtere Laamɗo Fulfulde Burkina Faso

¹⁹ Ndeentoɗon taa tiggitoɗon kammu, ndaaron naange e lewru e koode naa annoraaji kammu laatiiɗi fuu de muuynoo on ɗowtanaade faa cujidanon ɗi. Taa ngaɗon noon sabo wo kanji Joomiraaɗo, Laamɗo mooɗon hokki lenyi gonɗi ley adunaaru fuu.

Fillitagol 4:19 ပူးပေါင်းရင်းမြစ်များ

Fuɗɗoode 1:14

Laamɗo wi'i: — Annooraaji ngaɗa dow kammu faa ɗi cennda jemma e nyalooma. Ɗi laatoo maandeeji kollooji wakkati iidiiji, e nyalaaɗe e duuɓi.

Fuɗɗoode 2:1

Nii kammu e leydi e ko woni e muɓɓen fuu kiɓɓiniraa.

2 Kaanankooɓe 17:16

Ɓe njoppi jamirooje Joomiraaɗo, Laamɗo maɓɓe ɗeen fuu de ɓe ngaɗani ko'e maɓɓe nga'oy kaŋŋe ɗiɗoy. Katin ɓe ndarni leɗɗe tooru Asera, ɓe kofii yeeso annooraaji kammu fuu de ɓe ɗowtanii tooru Ba'al.

2 Kaanankooɓe 21:3

O nyiɓitii nokkuuje cakkirɗe ɗe baabiiko Hesekiya fusunoo. O waɗani tooru Ba'al cakkirɗe, tawti leggal tooru Asera, hono no Ahabi kaananke Israa'iila waɗirnoo noon. O sujidani annooraaji kammu, o teddini ɗum'en.

2 Kaanankooɓe 23:11

O itti pucci ɗi kaanankooɓe Yahuuda ndarnunoo faa teddiniree naange gonnooɗi dammbugal suudu Joomiraaɗo, ɗakkol suudu Natan-Melek golloowo laamordu, jooɗiiɗo ley cuuɗi seraaji. O wuli torkooji pucci teddinirteeɗi naange ɗiin.

Nehemiya 9:6

Yaa Joomiraaɗo, aan tan woni Joomiraaɗo, aan tagi kammuuli e koode, e njaayri ngondi dow e ko woni nder mayri. Taguɗaa leydi e maayo e ko woni e muɓɓen fuu. Kokkuɗaa ɗum fuu yonki, de ndeenuɗaa ɗum. Ko woni dow kammu fuu hofake yeeso maaɗa.

Matta 5:45

Worrude hono noon hollata wo on ɓiɓɓe Baaba mooɗon gonɗo dow kammuuli. Sabo no o fuɗinirta naange makko dow bonɓe, noon du o fuɗinirta nge dow moƴƴuɓe. No o tomnirta dow fonnditiiɓe, noon du o tomnirta dow oonyiiɓe.

Golle Nelaaɓe 7:42

Ndeen Laamɗo tottitii ɓe, yoppiri ɓe rewude koode kammu, hono no winndiraa e dewtere annabaaɓe: «Hey lenyol Israa'iila! Duuɓi capanɗe nay ɗi ngaɗuɗon ley ladde ɗiin, on ngaɗanii kam sadakaaji e kirsamaaji naa?

Romankooɓe 1:25

Ɓe loomtinirii Laamɗo goongaajo oon e fewre, ɓe teddinii ko tagaa, ɓe ndewi ɗum, ɓe njoppi Taguɗo oon. Oon woni jetteteeɗo faa abada! Aamiina.

Fillitagol 13:10

Mbaron joomum! Mo o haaldi oon artoo fiya o barduɗe de yimɓe fuu ndewta.

Fillitagol 13:5

Ndewon Joomiraaɗo, Laamɗo mooɗon de kulon ɗum. Kettindoɗon jamirooje muuɗum de ɗowtanoɗon konngol muuɗum. Wo oon ndewoton de kaɓɓondiron e muuɗum.

Fillitagol 17:3

si joomum yehi teddinowi allaaji goɗɗi, hofake yeeso muɓɓen, yeeso naange naa lewru naa annoraaji kammu laatiiɗi fuu de yoppii ko njamirmi ɗuum,

Fillitagol 4:18

naa ko daasotoo e leydi ko laatii fuu, naa liingu ley ndiyam laatiingu fuu.