Fillitagol 4:13 - Dewtere Laamɗo Fulfulde Burkina Faso

¹³ O holli on amaana mo o waddata e mooɗon, mo o yamiri kaybanon, ɗum woni jamirooje sappo ɗe o winndi dow alluuje kaaƴe ɗiɗi ɗeen.

Fillitagol 4:13 ပူးပေါင်းရင်းမြစ်များ

1 Kaanankooɓe 8:9

Faa'e walaano ley keesuwal ngaal si wanaa alluuje kaaƴe ɗiɗi ɗe Muusaa njippodinoo waamnde Sinayi ɗeen. Muusaa wattiino ɗe ley maggal wakkati Joomiraaɗo haɓɓidinnoo e Israa'iila'en amaana nde ɓe mburtinoo leydi Misira ndeen.

Wurtagol 19:5

Joonin du si on kettindake haala am, si on njokkii amaana am, on laatoto jeyal am korsungal hakkunde lenyi fuu, sabo miin jeyi adunaaru fuu.

Wurtagol 24:12

Joomiraaɗo wi'i Muusaa: Ƴeeŋu ngaraa to am dow waamnde ndee de keɗoɗaa faa mi hokke alluuje kaaƴe cehaaɗe. Mi winndii jamirooje e sariyaaji dow majje faa ekintinaa yimɓe ɓeen.

Wurtagol 31:18

Nde Joomiraaɗo tilinoo haaldude e Muusaa dow waamnde Sinayi ndeen, hokki ɗum alluuje kaaƴe ɗiɗi miccintinooje amaana ɗe Laamɗo e hoorem winndiri honndu muuɗum.

Wurtagol 34:1

Joomiraaɗo wi'i Muusaa: — Sehu alluuje kaaƴe ɗiɗi hono ɗe arane ɗeen faa mi winnda dow majje jamirooje ɗe mbinndunoomi dow arane ɗe kelunoɗaa ɗeen.

Wurtagol 34:28

Muusaa heddodii e Joomiraaɗo ɗoon jemma e nyalooma faa waɗi balɗe 40. O nyaamaay, o yaraay. O winndi haalaaji amaana ɗiin dow alluuje, ɗiin ngoni jamirooje sappo ɗeen.

Romankooɓe 9:4

Ɓeen ngoni Israa'iilankooɓe. Laamɗo waɗi ɓe ɓiɓɓe muuɗum, holli ɓe teddeengal muuɗum. Kamɓe njeyi aadiiji ɗiin e Tawreeta Muusaa oon. Wo kamɓe Laamɗo anndini no ɓe ndewirta ɗum, kamɓe Laamɗo waɗani amaanaaji muuɗum.

2 Korintunkooɓe 3:7

Jamirooje binndaaɗe e alluuje kaaƴe, jaarooje to maayde ɗeen, ina ngoodunoo darja faa Israa'iilankooɓe kunngii ndaarude yeeso Muusaa saabe annoora gonɗo e darja oon, fay si taweede darja oon wo nyifoowo.

Fillitagol 4:12

Ndeen Joomiraaɗo haaldii e mooɗon hakkunde yiite ngeen. On nanii konngol makko ammaa on nji'aay alhaali faa'e. Wo daande tan nanuɗon.

Fillitagol 4:14

Wakkati oon Joomiraaɗo yamiri kam mi janngina on jamirooje e sariyaaji ɗiin faa ngaɗon ko wi'i ley leydi ndi ponndiɗon faa laatoo jeyal mooɗon ndiin.

Fillitagol 5:22

Wo haalaaji ɗii, Joomiraaɗo hokki jamaare Israa'iila dow waamnde hakkunde yiite e ruulde e nimre tekkunde. O haaliri ɗi e daande toownde, o ɓeydaay faa'e. O winndii ɗi dow alluuje kaaƴe ɗiɗi de o hokki kam.

Ibraninkooɓe 9:4

Ley mayru urirde waɗiraande kaŋŋe e keesuwal Amaana mooytiraangal kaŋŋe ngonnoo. Ley keesuwal ngaal ina woodi loongel kaŋŋe goodungel nyaamdu wi'eteendu «manna», kam e sawru Haaruuna wilitinnoondu nduun e alluuje ɗe amaana oon winndaa e muɓɓen ɗeen.