Fillitagol 34:5 - Dewtere Laamɗo Fulfulde Burkina Faso

⁵ Wo ɗoon Muusaa, maccuɗo Joomiraaɗo oon maayi, ley leydi Mo'ab fodde no Joomiraaɗo wiirunoo noon.

Fillitagol 34:5 ပူးပေါင်းရင်းမြစ်များ

2 Kaanankooɓe 1:17

Kaananke maayiri hono no Joomiraaɗo wiirunoo e hunnduko Iliyaasa noon. Sakiike makko Yoram loomti mo laamii, sabo o walaano ɓiɗɗo gorko. Ɗum waɗii ley hitaande ɗiɗaɓerde laamu Yoram ɓii Yehosafat kaananke Yahuuda.

Limle 12:7

Ammaa Muusaa maccuɗo am, ɓurɗo hoolnaade ley suudu am fuu oon kaa, wanaa noon min ngondiri.

Fillitagol 31:14

Joomiraaɗo haaldi e Muusaa wi'i: — Wakkati dillol maaɗa adunaaru na ɓattoo. Ndelle noddu Yoosuwa de ndarodoɗon ley hukum Ceniiɗo. Mi hokkan o jamirooje am. Muusaa e Yoosuwa njehi ndarowii ley hukum toon.

Fillitagol 31:16

O haaldi e Muusaa o wi'i: — A ɓadake hawritoyde e maamiraaɓe maaɗa. Caggal ɗuum lenyol ngol, haɓɓondiran e allaaji janani, ɗum woni allaaji leydi ndi ɓe naatata ndiin. Ɓe njoppan kam, ɓe mbonnan amaana am mo kaɓɓidimmi e maɓɓe oon.

Fillitagol 32:50

Wo dow waamnde nde ƴeenyataa ndeen maayataa de kawritowaa e maamiraaɓe maaɗa hono no sakiike maaɗa Haaruuna maayiri dow waamnde Hor hawritowi e maamiraaɓe muuɗum noon.

2 Timote 2:25

Sanaa o dartinira yeddooɓe mo jam-jam, sabo hasii Laamɗo hokkan ɓe no ɓe tuubira, de ɓe paama goonga.

2 Piyeer 1:1

Ɓataaki ki to am ƴuuri, miin Simon Piyeer. Mi maccuɗo Iisaa Almasiihu, mi nulaaɗo muuɗum. Miɗo jowta on, onon heɓuɓe goonɗinal korsungal hono ngal amin ngaal saabe fonnditaare Iisaa Almasiihu, Laamɗo meeɗen kisinoowo en oon.

Holleede 15:3

Iɓe njima jimol Muusaa maccuɗo Laamɗo oon e jimol Jawgel ngeel, iɓe mbi'a: «Laamɗo Joomiraaɗo jom baawɗe fuu, golleeji maa wo mawɗi, wo kaayniiɗi! Laabi maa wo ponnditiiɗi, goongaaji, aan laamiiɗo laamorɗe fuu!