Fillitagol 32:47 - Dewtere Laamɗo Fulfulde Burkina Faso

⁴⁷ Sabo ɗum wanaa haala ɓola. Wo ɗum nguurndam mooɗon. Wo kanngol waɗata de balɗe mon njuuta ley leydi ndi njeytoyton nde peƴƴoyɗon Urdun ndeen.

Fillitagol 32:47 ပူးပေါင်းရင်းမြစ်များ

Banndi 3:18

Keɓuɗo ngo heɓii lekki nguurndam, jogiiɗo ngo inndirte jom barke.

Banndi 3:22

Kanjum wuurnata yonki maa, ɗum laatante koɗol e daande maa.

Banndi 4:13

Joga tindinoore, taa yoofu nde, nanngu nde faa wooɗa, sabo kayre woni nguurndam maa.

Banndi 4:22

Tiigiiɗo ɗi fuu heɓan nguurndam, ɗi laatanto ɓanndu joomum cellal.

Lewinkooɓe 18:5

Njogitoɗon jamirooje am e sariyaaji am. Jogitiiɗo ɗe de waɗi ko ɗe mbi'i fuu wuuran saabe majje. Miin woni Joomiraaɗo.

Amos 5:4

Inan ko Joomiraaɗo wi'i dow Israa'iila: Pilee kam faa mbuuron.

Matta 6:33

Ndelle, piloɗon laamu Laamɗo tafon, kam e fonnditaare muuɗum. Ndeen ko heddii ɗuum fuu, on ɓeydante ɗum.

Golle Nelaaɓe 7:38

Nde ɓe kawritinnoo ley ladde ndeen, wo kanko wondi e maleyka kaaldunooɗo e makko to waamnde wi'eteende Sinayi. Kanko laatii jottinoowo ɗum fuu to maamiraaɓe meeɗen. Wo kanko heɓi haalaaji buurnooji faa o hokka en.

Fillitagol 30:16

Ko njamirammi on woni njiɗon Joomiraaɗo, Laamɗo mooɗon, ndewon laabi muuɗum, ngaɗon ko jamirooje e sariyaaji e kiite muuɗum mbi'i. Si on ngaɗii noon fu, on mbuuran de ɗuuɗon, wooɗi du, o barkina on ley leydi ndi naatoton faa njeyton ndiin.

Fillitagol 31:13

Noon waɗata de ɓiɓɓe maɓɓe ɓe anndaano ɗi fuu nana de ekitoo hulude Joomiraaɗo, Laamɗo mooɗon haddi duuɓi ɗi njooɗoytoɗon ley leydi ndi ponndiɗon faa laatoo jeyal mooɗon ndiin fuu.

Fillitagol 33:25

Ɓe cuuroo ley dammbuɗe gaɗiraaɗe jamɗe cemmbiɗinɗe, semmbe maɓɓe ɓooyira no nguurndam maɓɓe noon.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 4:6

Ɗowtanoɗon ɗe de ngaɗon ko ɗe mbi'i. Ɗuum seedantoo lenyi nanooji haala jamirooje ɗeen hakkillo mon e anndal mon, faa ɓe mbi'a: — Sikke walaa, lenyol ngol na woodi hakkillo e anndal. Wo ngol lenyol manngol!

Fillitagol 8:3

Ndelle o yarnii on torra, o rafii on de o nyaamni on manna, nyaamdu ndu onon e maamiraaɓe mooɗon fuu anndaano faa o holla on ko wanaa buuru tan neɗɗo wuurdata ammaa na wuurda ko wurtii e hunnduko Joomiraaɗo fuu.

1 Timote 4:8

Eltude ɓanndu muuɗum ina nafa e kulle goɗɗe, ammaa kulol Laamɗo ina nafa e huunde fuu, sabo ina wondi e aadi nguurndam joonin e ngaroojam ɗaam fuu.

2 Piyeer 1:16

Nde min anndinnoo on garol Joomiraaɗo men Iisaa Almasiihu e baawɗe muuɗum ndeen, min njokkaay fillaaji nyeenyuɗi. Gite amin jaati min njiiri manngu makko!

2 Piyeer 1:3

E baawɗe Joomiraaɗo keɓirɗen huunde fuu ko kaajaɗen, faa mbuurden e kulol Laamɗo. En keɓirii ɗum saabe ko annduɗen Laamɗo, noddirɗo en teddeengal muuɗum e moƴƴuki muuɗum oon.

Holleede 22:14

Barke woodanii lonnooɓe saayaaji muɓɓen faa mbaawa nyaamude ɓiɓɓe lekki nguurndam kiin, ɓe ndewa dammbuɗe, ɓe naata ngalluure ndeen.