Fillitagol 32:4 - Dewtere Laamɗo Fulfulde Burkina Faso

⁴ Kanko woni tefaare, golle makko wo kiɓɓuɗe, laabi makko fuu wo laaɓuɗi. Wo o Laamɗo koolniiɗo, ko oonyii walaa e makko, wo o dartiiɗo, laaɓuɗo.

Fillitagol 32:4 ပူးပေါင်းရင်းမြစ်များ

Fuɗɗoode 1:31

Laamɗo ndaari ko golli ɗuum fuu, tawi iɗum wooɗi sanne. Hiiri weeti, laatii nyalaande jeegaɓerde.

Fuɗɗoode 18:25

A'aa! A wanaa ngaɗoowo iri ɗuum! A halkidataa ponnditiiɗo e oonyiiɗo. Abada a fonndataa njoɓdi ponnditiiɗo e ndi bonɗo! Aan carotooɗo adunaaru fuu oon, a sarorto dartaare!

2 Samuwiila 22:47

Joomiraaɗo wo buurɗo! Jettooje ngoodanii mo, laatiiɗo tefaare am ndeen! Miɗo mana Laamɗo, tefaare hisinoore kam.

2 Samuwiila 23:3

Laamɗo Israa'iila haalii, tefaare Israa'iila ndeen haalanii kam, wi'i: — Nde kaananke laamorii yimɓe laaɓal, nde o laamorii ɓe ley kulol Laamɗo fu,

Nehemiya 9:8

Tawuɗaa imo hoolii ma, de ngaɗanɗaa mo amaana, a hokkan mo, kanko e ɓiɓɓe makko, leydi Kanaaninkooɓe e Hittiyankooɓe e Amorinkooɓe e Perisinkooɓe e Yebusinkooɓe e Girgasinkooɓe faa ndi laatoo dongu maɓɓe. Saabe aan, a dartiiɗo, a hiɓɓinii amaana maaɗa oon.

Ayuuba 34:10

Wooɗi ndelle, onon jom'en paamal, kettindanee kam. Fay huunde waɗataa de Laamɗo waɗa ko boni, Jom Baawɗe waɗataa ko oonyii abada.

Ayuuba 35:14

Wooɗi, si a wi'ii a yi'aay mo, wullaango maaɗa ina woni yeeso makko, sey keɗoɗaa mo tan.

Ayuuba 36:23

Moy meeɗi hokkude mo jamirooje dow ko o waɗata? Sakko wi'a mo, «A waɗii ko boni!»

Ayuuba 8:3

Aɗa miilii Laamɗo oonyan sariya naa? Yalla Jom Baawɗe oonyan ko dartii naa?

Wurtagol 34:6

Joomiraaɗo faltii yeeso Muusaa na wi'a: — Miin woni Joomiraaɗo, Joomiraaɗo, Laamɗo mo yurmeende e moƴƴere, jom munyal, keewɗo hinney, jom hoolnaare nde timmataa,

Tindinoowo 3:14

Miɗo anndi ko Laamɗo waɗi fuu tabitan faa abada. Walaa fuu ko ɓeydee, walaa du ko ɗuytee. Noon Laamɗo waɗiri faa hulee.

Matta 5:48

Ndelle, laatoɗon hiɓɓuɓe, hono no Baaba mooɗon gonɗo dow kammuuli oon hiɓɓiri ni.

Yuhanna 1:14

Konngol ngool laatii neɗɗo jom terɗe de jooɗii hakkunde meeɗen. Min nji'ii darja makko, darja mo Bajjo hemrata Baabiiwo. Ley darja makko oon Baabiiwo ɓanginiri keewal hinney e goonga muuɗum.

Yuhanna 1:17

Saabe Muusaa keɓirɗen jamirooje, ammaa hinney e goonga wo saabe Iisaa Almasiihu heɓiraa.

Yuhanna 14:6

Iisaa jaabii mo: — Miin woni laawol, miin woni goonga, miin woni nguurndam. Fay gooto waawaa yahude to Baabiiwo si rewaay to am.

Yuhanna 5:22

Baabiiwo, kam kaa sarataako fay gooto. O wattii sariya oon fuu e junngo Ɓiɗɗo,

Romankooɓe 1:32

Iɓe anndi ko Laamɗo yamiri: gaɗoowo golleeji ɗi fuu ina haani maayde. Ammaa wanaa golleeji ɗiin tan ɓe ngaɗata, iɓe njardoo woɓɓe du ngaɗa ɗi.

Romankooɓe 2:2

Eɗen anndi Laamɗo ina saroo waɗooɓe hono golleeji ɗiin fodde goonga.

Romankooɓe 2:5

Ammaa ko a joorɗo ɓernde, a caliiɗo tuubude ɗuum, aɗa waddana hoore maa tikkere Laamɗo nyannde Laamɗo ɓanginta tikkere muuɗum e sariya mum ponnditiiɗo oon.

Romankooɓe 3:5

Ɗo mi haaldan hono no woɓɓe kaaldata ni: si oonyaare meeɗen ina ɓeyda hollude fonnditaare Laamɗo ndeen, noy mbi'eten? Yalla en mbi'an Laamɗo wo oonyiiɗo si jippinii tikkere muuɗum dow meeɗen naa?

1 Korintunkooɓe 10:4

Ɓe fuu ɓe njardii njaram ngootam ƴuuruɗam to Laamɗo. Si goonga, iɓe njarannoo ɗam e tefaare Laamɗo yaadoore e maɓɓe. Tefaare ndeen woni Almasiihu.

Fillitagol 10:18

Kanko woni daraniiɗo atiime'en e rewɓe ɓe goriraaɓe muɓɓen maayi. O jiɗɗo jananɓe, imo hokka ɗum'en nyaamdu e kolte.

Fillitagol 32:15

Ammaa nde Yesurun haarunoo faa fayi fu, ummanii Joomiraaɗo. On payii, on tekkii, on ngaɗii deedi. Ndeen njoppuɗon Laamɗo taguɗo on oon, kuyfinɗon Tefaare kisindam mooɗon ndeen.

Fillitagol 32:18

On njeggitii Laamɗo kokkuɗo on yonkiiji oon, paɗɗuɗon Tefaare rimunde on ndeen.

Fillitagol 7:9

Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.

Yaakuuba 1:17

Moƴƴere lobbere e dokkal kiɓɓungal fuu, to dow kammu ƴuurata, to Baabiiwo taguɗo annooraaji kammu, mo waylitataako. O nanndaa e ɗowkiiji baylitotooɗi.

Yaakuuba 4:12

Gooto tan woni kokkoowo jamirooje, gooto woni Carotooɗo: kam tan waawi hisinde e halkude. Aan, wo a moy faa caroɗaa gondo maa?

1 Piyeer 2:6

Sabo Binndi ɗiin mbi'ii: «Mi yowan hayre joƴƴinirde ley Siyona, hayre suɓaande, horsunde. Katin du goonɗinɗo nde fuu semtintaake abada.»

1 Samuwiila 2:2

Fay gooto laataaki ceniiɗo hono Joomiraaɗo. Laatiiɗo hono maaɗa fuu walaa. Tefaare nanndunde e Laamɗo meeɗen fuu walaa.