Fillitagol 32:39 - Dewtere Laamɗo Fulfulde Burkina Faso

³⁹ Joonin kaa, paamon wo miin, ayyo, wo miin tan, alla goɗɗo waldaa e am. Wo miin warata, wooɗi wo miin wuurnata, wo miin mornyitata, wooɗi wo miin dannata. Fay gooto waawaa dannude goɗɗo e junngo am.

Fillitagol 32:39 ပူးပေါင်းရင်းမြစ်များ

2 Kaanankooɓe 20:5

Yecca de mbi'aa Hesekiya ardiiɗo yimɓe am oon: Inan ko Joomiraaɗo, Laamɗo maammaa Daawda wi'i. Mi nani du'aare maaɗa, mi yi'i gonɗi maaɗa du. Ndelle mi dannete. Ley balɗe tati a waawan hewtoyde suudu Joomiraaɗo.

2 Kaanankooɓe 5:7

Nde kaananke Israa'iila janngunoo ɓataaki kiin fu, seeki kaddule muuɗum de wi'i: — Yalla wo miin woni Laamɗo baawɗo hokkude yonki maa ittude ɗum de o nela goɗɗo to am faa mi danna ɗum e nyawu muuɗum naa? Paamee wo fitina hakkunde amin o filoto!

Nehemiya 9:6

Yaa Joomiraaɗo, aan tan woni Joomiraaɗo, aan tagi kammuuli e koode, e njaayri ngondi dow e ko woni nder mayri. Taguɗaa leydi e maayo e ko woni e muɓɓen fuu. Kokkuɗaa ɗum fuu yonki, de ndeenuɗaa ɗum. Ko woni dow kammu fuu hofake yeeso maaɗa.

Ayuuba 10:13

Ammaa joonin miɗo anndi aɗa joginoo miilo wonngo, a suuɗiino ngo ley ɓernde maa.

Ayuuba 10:7

Aɗa waɗa noon fay ko annduɗaa mi walaa feloore, wooɗi du fay gooto waawaa hisinde kam e junngo maa.

Ayuuba 5:18

Kanko woni nawnoowo, ammaa imo sawra nawnanɗe ɗeen, imo barmina, de o danna du.

Wurtagol 15:26

O wi'i ɓe: Si on kettindanake daande am e goonga, on ngaɗii ko wooɗi yeeso am, on ɗowtanake jamirooje am fuu, miin Joomiraaɗo, Laamɗo mooɗon, mi fiirataa on masiibaaji ɗi piirunoomi Misirankooɓe ɗiin. Sabo wo miin woni Joomiraaɗo dannoowo on.

Wurtagol 4:7

Joomiraaɗo wi'i mo: — Yeccin ngo. Muusaa yeccini ngo. Nde o wurtinnoo ngo fu, o tawi ngo wartii no ngo worrunoo.

Tindinoowo 3:3

ittude yonki e wakkatim, dannude du e wakkatim, liɓude e wakkatim, nyiɓude du e wakkatim,

Yuhanna 8:24

Ɗum waɗi de mbiimi on: on maaydan e hakkeeji mon. Sabo si on ngoonɗinaay miin woni mo ngonumi oon, on maaydan e hakkeeji mon.

Fillitagol 32:12

noon Joomiraaɗo durirannoo ɓe, kam tan, alla janano fuu waldaano e maɓɓe.

Fillitagol 4:35

Ndelle ɗuum seedanake on wo Joomiraaɗo woni Laamɗo. Goɗɗo walaa si wanaa kanko.

Fillitagol 7:9

Ndelle annditon wo Joomiraaɗo, Laamɗo mooɗon oon kam tan woni Laamɗo. Oon woni Laamɗo koolniiɗo, tabintinoowo amaana muuɗum e hinney muuɗum to yiɗuɓe ɗum de ɗowtanii jamirooje muuɗum faa hewta jamaanuuji ujunere.

Ibraninkooɓe 1:12

A sowiran ɗi hono saaya, ɗi mbattitorto no neɗɗo wattitirta saayaaji muuɗum ni. Aan kaa, a waylitataako, nguurndam maa du walaa timmoode.»

Holleede 1:11

ina wi'a: — Ko nji'ataa ɗuum, waɗu ɗum dewtere, de nuldaa nde kawrite goonɗinɓe jeɗɗi ɗeen: kawrite gonɗe Efeesu e Simirna e Pergamon e Tiyatira e Sardis e Filadelfi e Lawdikiya.

Holleede 2:8

— Winndan maleyka kawrital goonɗinɓe gonngal Simirna, mbi'aa: «Inan haalaaji arandeejo e cakitotooɗo, maaynooɗo de iirtii oon:

1 Samuwiila 2:6

Joomiraaɗo na wadda maayde, na wuurna, na yaara faa laakara, na ummintina.