Fillitagol 31:8 - Dewtere Laamɗo Fulfulde Burkina Faso

⁸ Joomiraaɗo e hoorem na ardii ma. Kam e hoorem wondan e maaɗa. O yoppataa ma o tottitataako ma. Ndelle taa hulu, taa ɓernde maaɗa diwna.

Fillitagol 31:8 ပူးပေါင်းရင်းမြစ်များ

Fuɗɗoode 28:15

Aan du, miɗo wondi e maaɗa. Mi reenete ɗo njahuɗaa fuu. Mi wartirte e leydi ndii, sabo mi yoppataa ma. Mi hiɓɓinan ko aadaniimi ma ɗuum.

1 Kaanankooɓe 11:38

Hettinda huunde fuu ko njamirammaami, njokka laabi am, ngaɗaa ko wooɗi yeeso am, ɗowtanoɗaa sariyaaji am e jamirooje am hono no maccuɗo am Daawda waɗanno noon. Si a waɗii noon, mi wondan e maaɗa, mi tabintinan laamu maaɗa hono no ngaɗirmi e Daawda, mi hokkete Israa'iila.

1 Kaanankooɓe 6:13

Mi jooɗoto hakkunde yimɓe am Israa'iila'en, mi yoppataa ɓe.

1 Kaanankooɓe 8:57

Joomiraaɗo, Laamɗo men wonda e meeɗen hono no wondirnoo e maamiraaɓe meeɗen noon. Taa o acca en, taa o yoppa en.

1 Kabaaruuji Laamiiɓe 22:13

Si a jogitake jamirooje e sariyaaji ɗi Joomiraaɗo hokki Israa'iila e hunnduko Muusaa ɗiin fu, taa kulaa, taa ɓernde maaɗa diwna.

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

Wurtagol 32:1

Israa'iila'en yi'i Muusaa ɓooyii dow waamnde toon. Ndeen ɓe kawriti to Haaruuna, ɓe mbi'i ɗum: — Umma, ngaɗanaa en tooruuji ardotooɓe en sabo Muusaa, gorko burtinɗo en leydi Misira oon kaa, en anndaa ko hewtii ɗum.

Wurtagol 33:14

Ndeen Joomiraaɗo wi'i: — Mi yaadan e maaɗa, mi hokkete du powtiri.

Limle 13:9

Ley lenyol Benjamin, Palti ɓii Raafu.

Romankooɓe 8:31

Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Fillitagol 31:3

Joomiraaɗo, Laamɗo mooɗon ardoto on kam e hoorem. Wo kam halkata lenyi ɗiin fuu yeeso mooɗon de njeyton leyɗe muɓɓen. Wo Yoosuwa ardotoo on fodde no Joomiraaɗo wi'iri noon.

Fillitagol 31:6

Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.

Fillitagol 4:31

Sabo Joomiraaɗo, Laamɗo mooɗon oon, wo Laamɗo jurmotooɗo, o yoppataa on, o halkataa on, o yeggitataa amaana tedduɗo mo o haɓɓidinnoo e maamiraaɓe mooɗon oon.

Fillitagol 9:3

Ndelle paamon hannden, Joomiraaɗo, Laamɗo mooɗon na ardii on hono yiite nyaamoowe. Wo kam halkata ɓe, leeƴina ɓe yeeso mooɗon. On teetan leydi maɓɓe de kalkon ɓe law fodde no Joomiraaɗo wi'iri on noon.

Ibraninkooɓe 13:5

Cenndon ko'e mon e yidde buuɗi. Kennyitoroɗon ko njogiɗon, sabo Laamɗo wi'ii: «Abada mi yoppataa ma, abada mi yeebataako ma!»

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

1 Samuwiila 12:22

Joomiraaɗo du muuyii waɗude on yimɓe muuɗum. O yeebataako on, saabe manngu innde makko.