Fillitagol 31:7 - Dewtere Laamɗo Fulfulde Burkina Faso

⁷ Muusaa noddi Yoosuwa yeeso jamaare Israa'iila fuu de wi'i ɗum: — Laatoɗaa jom cuusal, cemmbinɗinaa ɓernde ma, sabo wo aan nannata yimɓe ɓee ley leydi ndi Joomiraaɗo hunaninoo maamiraaɓe muɓɓen hokkan ɗum'en ndiin. Wo aan hokkata ɓe ndi faa ndi laatoo ndongu maɓɓe.

Fillitagol 31:7 ပူးပေါင်းရင်းမြစ်များ

2 Samuwiila 10:12

Cemmbiɗon, laatoɗon suusuɓe faa ndannen yimɓe meeɗen e galluuje Laamɗo men. Joomiraaɗo waɗa ko weli ɗum.

1 Kaanankooɓe 2:2

— Dillugol am adunaaru ndu ɓadake. Semmbinɗin ɓernde maaɗa, njaha yaadu gorko.

1 Kabaaruuji Laamiiɓe 22:13

Si a jogitake jamirooje e sariyaaji ɗi Joomiraaɗo hokki Israa'iila e hunnduko Muusaa ɗiin fu, taa kulaa, taa ɓernde maaɗa diwna.

Limle 13:20

Ndaaron no leydi gese maɓɓe wa'i, yalla wo mbuurndi naa wo mbaatundi. Ndaaron yalla indi woodi leɗɗe naa ndi walaa. Taa kulon, ngartidon e ɓiɓɓe leɗɗe mayri. Tawi wakkati oon inabooje puɗɗata ɓenndude.

Limle 27:19

Njaaraa mo yeeso almaami Eliyajar e yeeso yimɓe Israa'iila fuu de ngaɗaa o ardotooɗo, ɓe fuu ɓe laatoo seedeeɓe.

Yuhanna 1:17

Saabe Muusaa keɓirɗen jamirooje, ammaa hinney e goonga wo saabe Iisaa Almasiihu heɓiraa.

Efeesunkooɓe 6:10

Walaa ko heddii si wanaa wiide on keewon semmbe e ley kawtal mooɗon e Joomiraaɗo, tiigoɗon baawɗe makko mawɗe ɗeen.

Fillitagol 1:38

Ammaa Yoosuwa ɓii Nuun, golloowo maaɗa oon kaa, cemmbinɗinaa ɗum sabo wo kam ronnata Israa'iila leydi ndiin.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 11:8

Ndelle ndeenon jamirooje ɗe ekintinammi on hannden ɗeen faa keɓon semmbe mo teetirowon leydi ndi ponndiɗon faa laatoo jeyal mooɗon ndiin.

Fillitagol 3:28

Kokkaa Yoosuwa jamirooje e ngorgu, cemmbinɗinaa ɗum sabo wo kam ardotoo jamaare ndeen faa ronna ɗum leydi ndi kokkammi ɓe ndi nji'ataa ndiin.

Fillitagol 31:21

Nde masiibaaji e torraaji feere feere ɗiin kewtowii ɓe fu, jimol ngool jaaboto ɓe hono seedee sabo ƴuwdi maɓɓe yeggitataa ngol. Miɗo anndi ko ɓe anniyii waɗude gilla hannden fay ko ɓe naatowaay ley leydi ndi kuniimi mi hokkan ɓe ndiin.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Fillitagol 31:3

Joomiraaɗo, Laamɗo mooɗon ardoto on kam e hoorem. Wo kam halkata lenyi ɗiin fuu yeeso mooɗon de njeyton leyɗe muɓɓen. Wo Yoosuwa ardotoo on fodde no Joomiraaɗo wi'iri noon.

Fillitagol 31:6

Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.

Yoosuwa 1:5

Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.

Yoosuwa 1:6

Semmbin hoore maa, cemmbinɗinaa ɓernde maa du, sabo e ardagol maaɗa yimɓe ɓeen ndonirta leydi ndi kunaniniimi maamiraaɓe muɓɓen mi hokkan ɗum'en ndiin.