Fillitagol 31:6 - Dewtere Laamɗo Fulfulde Burkina Faso

⁶ Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.

Fillitagol 31:6 ပူးပေါင်းရင်းမြစ်များ

Fuɗɗoode 26:24

Joomiraaɗo ɓangani mo ley jemma, wi'i: — Miin woni Laamɗo bammaa Ibrahiima. Taa hulu, sabo miɗo wondi e maaɗa. Mi barkinte, mi ɗuuɗinan ƴuwdi maa saabe maccuɗo am Ibrahiima.

Fuɗɗoode 28:15

Aan du, miɗo wondi e maaɗa. Mi reenete ɗo njahuɗaa fuu. Mi wartirte e leydi ndii, sabo mi yoppataa ma. Mi hiɓɓinan ko aadaniimi ma ɗuum.

2 Samuwiila 10:12

Cemmbiɗon, laatoɗon suusuɓe faa ndannen yimɓe meeɗen e galluuje Laamɗo men. Joomiraaɗo waɗa ko weli ɗum.

1 Kaanankooɓe 2:2

— Dillugol am adunaaru ndu ɓadake. Semmbinɗin ɓernde maaɗa, njaha yaadu gorko.

1 Kaanankooɓe 6:13

Mi jooɗoto hakkunde yimɓe am Israa'iila'en, mi yoppataa ɓe.

1 Kaanankooɓe 8:57

Joomiraaɗo, Laamɗo men wonda e meeɗen hono no wondirnoo e maamiraaɓe meeɗen noon. Taa o acca en, taa o yoppa en.

1 Kabaaruuji Laamiiɓe 22:13

Si a jogitake jamirooje e sariyaaji ɗi Joomiraaɗo hokki Israa'iila e hunnduko Muusaa ɗiin fu, taa kulaa, taa ɓernde maaɗa diwna.

1 Kabaaruuji Laamiiɓe 28:10

Ndaar joonin kaa, Joomiraaɗo suɓake ma faa nyiɓaa suudu seniindu. Ndelle semmbinɗin ɓernde maaɗa, ngaɗaa gollal ngaal. Ndeen Daawda holli Suleymaana no nyiɓirta suudu Joomiraaɗo nduun.

1 Kabaaruuji Laamiiɓe 28:20

Ndelle Daawda wi'i ɓiyum Suleymaana: — Semmbinɗin ɓernde maaɗa, laatoɗaa cuusuɗo de ngollaa. Taa kulaa, taa ɓernde maaɗa diwna sabo Laamɗo Joomiraaɗo, Laamɗo am oon wondan e maaɗa. O tottitataako ma, o yoppataa ma faa nde gollal suudu makko ngaal fuu timmi.

Limle 13:20

Ndaaron no leydi gese maɓɓe wa'i, yalla wo mbuurndi naa wo mbaatundi. Ndaaron yalla indi woodi leɗɗe naa ndi walaa. Taa kulon, ngartidon e ɓiɓɓe leɗɗe mayri. Tawi wakkati oon inabooje puɗɗata ɓenndude.

Limle 13:9

Ley lenyol Benjamin, Palti ɓii Raafu.

Limle 14:9

Ammaa taa muurtanee Joomiraaɗo. Taa kulee yimɓe leydi ndiin sabo en njaaɓan ɓe. Ndeenaagu maɓɓe dilli yoppii ɓe, ammaa enen le, Joomiraaɗo na wondi e meeɗen. Taa kulee ɓe.

Luuka 12:32

Taa kulee, onon coggal pamaral, sabo Baaba mooɗon ina seyorii hokkude on laamu muuɗum.

1 Korintunkooɓe 16:13

Kakkilon, ndaroɗon faa wooɗa ley goonɗinal. Laatoɗon suusuɓe, ɓeydoroɗon semmbe.

Efeesunkooɓe 6:10

Walaa ko heddii si wanaa wiide on keewon semmbe e ley kawtal mooɗon e Joomiraaɗo, tiigoɗon baawɗe makko mawɗe ɗeen.

Fillitagol 1:21

Ndaaree: Joomiraaɗo, Laamɗo mooɗon wattii leydi ndiin e juuɗe mooɗon. Njahon njeytowon ndi hono no Joomiraaɗo, Laamɗo maamiraaɓe mon wi'iri noon. Taa kulon, taa nesi mooɗon taƴa.

Fillitagol 1:29

Ndeen mbi'imi on: — Taa kulee ɓe, taa nesiiji mon taƴa.

Fillitagol 11:8

Ndelle ndeenon jamirooje ɗe ekintinammi on hannden ɗeen faa keɓon semmbe mo teetirowon leydi ndi ponndiɗon faa laatoo jeyal mooɗon ndiin.

Fillitagol 20:1

Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

Fillitagol 31:23

Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Fillitagol 31:7

Muusaa noddi Yoosuwa yeeso jamaare Israa'iila fuu de wi'i ɗum: — Laatoɗaa jom cuusal, cemmbinɗinaa ɓernde ma, sabo wo aan nannata yimɓe ɓee ley leydi ndi Joomiraaɗo hunaninoo maamiraaɓe muɓɓen hokkan ɗum'en ndiin. Wo aan hokkata ɓe ndi faa ndi laatoo ndongu maɓɓe.

Fillitagol 31:8

Joomiraaɗo e hoorem na ardii ma. Kam e hoorem wondan e maaɗa. O yoppataa ma o tottitataako ma. Ndelle taa hulu, taa ɓernde maaɗa diwna.

Fillitagol 4:31

Sabo Joomiraaɗo, Laamɗo mooɗon oon, wo Laamɗo jurmotooɗo, o yoppataa on, o halkataa on, o yeggitataa amaana tedduɗo mo o haɓɓidinnoo e maamiraaɓe mooɗon oon.

Fillitagol 7:18

Taa kulon ɓe. Miccitee ko Joomiraaɗo, Laamɗo mooɗon waɗi Fira'awna e leydi Misira fuu.

2 Timote 2:1

Ndelle aan ɓiyam, ɓeydu semmbe ley moƴƴere wonnde e Iisaa Almasiihu ndeen.

Ibraninkooɓe 13:5

Cenndon ko'e mon e yidde buuɗi. Kennyitoroɗon ko njogiɗon, sabo Laamɗo wi'ii: «Abada mi yoppataa ma, abada mi yeebataako ma!»

Yoosuwa 1:9

Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.

Yoosuwa 10:25

Yoosuwa wi'i ɓe: — Taa kulee, taa nesiiji mooɗon taƴaa, ammaa cemmbinee ko'e mon, cemmbinee ɓerɗe mon du! Hono nii Joomiraaɗo waɗirta wayɓe mooɗon ɓe kaɓoton e muɓɓen ɓeen fuu.

Holleede 21:8

Ammaa waatuɓe ɓerɗe e ɓe ngalaa goonɗinal e gollooɓe ko nyiddini e warooɓe yimɓe e fijooɓe e dabarankooɓe e rewooɓe tooruuji e fenooɓe ɓeen fuu, weendu yiite e sitti huɓɓooru nduun woni ngeɗu muɓɓen. Ɗum woni maayde ɗiɗaɓerde ndeen.

1 Samuwiila 12:22

Joomiraaɗo du muuyii waɗude on yimɓe muuɗum. O yeebataako on, saabe manngu innde makko.