Fillitagol 31:23 - Dewtere Laamɗo Fulfulde Burkina Faso

²³ Ndeen Joomiraaɗo hokki Yoosuwa ɓii Nuun jamirooje ɗee, wi'i ɗum: — Semmbinɗin ɓernde maaɗa, laatoɗaa cuusuɗo sabo wo aan nannata Israa'iila'en leydi ndi kuniimi mi hokkan ɗum'en ndiin. Miin e hoore am mi wondan e maaɗa.

Fillitagol 31:23 ပူးပေါင်းရင်းမြစ်များ

1 Kaanankooɓe 2:2

— Dillugol am adunaaru ndu ɓadake. Semmbinɗin ɓernde maaɗa, njaha yaadu gorko.

1 Kabaaruuji Laamiiɓe 7:27

Elisama rimi Nuun, Nuun rimi Yoosuwa.

Wurtagol 3:12

Laamɗo wi'i o: — Mi wondan e maaɗa. Inan maande holloore wo miin neli ma. Nde mburtinɗaa yimɓe ɓeen Misira fu, on fuu on ngaran teddinon kam dow waamnde ndee.

Limle 13:20

Ndaaron no leydi gese maɓɓe wa'i, yalla wo mbuurndi naa wo mbaatundi. Ndaaron yalla indi woodi leɗɗe naa ndi walaa. Taa kulon, ngartidon e ɓiɓɓe leɗɗe mayri. Tawi wakkati oon inabooje puɗɗata ɓenndude.

Limle 23:21

O yi'aay fuu ko boni e Yaakuuba, O taykaaki feloore e Israa'iila. Joomiraaɗo, Laamɗo makko na wondi e makko. Wo to makko duko kelle laamu nanetee.

Limle 27:23

O deki juuɗe makko dow Yoosuwa de o hokki ɗum jamirooje fodde no Joomiraaɗo wiirunoo mo noon.

Golle Nelaaɓe 7:45

Maamiraaɓe meeɗen ndoni hukum oon. Ɓe eggidi e makko wakkati mo Yoosuwa ardinoo ɓe. Ɓe nanni ɗum leydi ndi ɓe teeti e lenyi ɗi Laamɗo riiwi ɗiin. Ɗum worri noon faa jamaanu Daawda.

Fillitagol 3:28

Kokkaa Yoosuwa jamirooje e ngorgu, cemmbinɗinaa ɗum sabo wo kam ardotoo jamaare ndeen faa ronna ɗum leydi ndi kokkammi ɓe ndi nji'ataa ndiin.

Fillitagol 31:14

Joomiraaɗo haaldi e Muusaa wi'i: — Wakkati dillol maaɗa adunaaru na ɓattoo. Ndelle noddu Yoosuwa de ndarodoɗon ley hukum Ceniiɗo. Mi hokkan o jamirooje am. Muusaa e Yoosuwa njehi ndarowii ley hukum toon.

Fillitagol 31:24

Nde Muusaa timminnoo winndude haalaaji Tawreeta ɗiin ley dewtere fuu,

Fillitagol 31:3

Joomiraaɗo, Laamɗo mooɗon ardoto on kam e hoorem. Wo kam halkata lenyi ɗiin fuu yeeso mooɗon de njeyton leyɗe muɓɓen. Wo Yoosuwa ardotoo on fodde no Joomiraaɗo wi'iri noon.

Fillitagol 31:6

Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.