Fillitagol 31:17 - Dewtere Laamɗo Fulfulde Burkina Faso

¹⁷ Nyannde ndeen mi tikkanan ɓe sanne. Mi yoppan ɓe, mi tottitoto ɓe. Ndeen ɓe ceekete, masiibaaji e boneeji feere feere kewtoto ɓe faa ɓe mbi'a: «Wanaa saabe Laamɗo meeɗen waldaa e men de torraaji ɗi fuu na kewtoo en naa?»

Fillitagol 31:17 ပူးပေါင်းရင်းမြစ်များ

1 Kaanankooɓe 8:57

Joomiraaɗo, Laamɗo men wonda e meeɗen hono no wondirnoo e maamiraaɓe meeɗen noon. Taa o acca en, taa o yoppa en.

2 Kaanankooɓe 22:13

Njehee ƴamowee Joomiraaɗo kabaaru am, miin e yimɓe Yahuuda fuu dow ko winndaa ley dewtere yiitaande ɗuum, sabo Joomiraaɗo tikkanii en sanne ko maamiraaɓe meeɗen kettindaaki haala mayre faa ɗowtanoo ko winndaa ley mayre ɗuum.

1 Kabaaruuji Laamiiɓe 28:9

Aan Suleymaana, suka am, anndaa Laamɗo am miin baaba maaɗa, de ngolliranaa ɗum e ɓernde ma fuu, e yonki ma fuu sabo Joomiraaɗo na hiinya ɓerɗe fuu, na anndi miilooji fuu. Si a filake o fu, o accan njiitaa o. Si a tottitake o du, o faɗɗete faa abada.

Nehemiya 9:32

Laamɗo amin, a mawɗo, a jom teddeengal, a kulɓiniiɗo, a tiigoriiɗo amaana maaɗa e hoolaare. Taa yawu torraaji ɓurɗi min semmbe, caamuɗi dow amin, minen e laamiiɓe amin e mawɓe amin e almaami'en amin e annabaaɓe amin e maamiraaɓe amin e yimɓe maaɗa fuu, gilla jamaanu kaananke Asuura faa hewti hannden.

Ayuuba 13:24

Saabe ɗume de tottitiɗaa kam ittuɗaa hinney maa dow am? Ko waɗi de kiisoroɗaa kam hono ganyo maa?

Ayuuba 34:11

Imo yoɓa neɗɗo e dow ko waɗi, imo jokkina ɗum ko laabi muuɗum ndimanta ɗuum.

Limle 14:42

Taa njehee, sabo Joomiraaɗo waldaa e mooɗon. Taa ngaɗee wayɓe mon keɓa jaalorgal dow mooɗon.

Fillitagol 29:20

sennda o e lenyi Israa'iila saabe bone kewtotooɗo o fodde kuddiiji binndaaɗi ley dewtere Tawreeta ndee.

Fillitagol 30:18

goonga kaalanammi on hannden, on timman faa laaɓon. Balɗe mon njuutataa ley leydi ndi njeytoyton nde peƴƴoyɗon Urdun.

Fillitagol 30:19

Kammu e leydi ceedanoo kam hannden mi waddii nguurndam e maayde, tawti barke e kuddi yeeso mooɗon. Ndelle cuɓee nguurndam faa mbuuron onon e ƴuwdi mon fuu.

Fillitagol 31:18

Ammaa miin, mi tottitoto ɓe nyannde ndeen saabe boneeji ɗi ɓe ngaɗi e ko ɓe ɗowtanii allaaji goɗɗi ɗuum.

Fillitagol 7:21

Taa ɓerɗe mon ndiwna saabe maɓɓe, sabo Joomiraaɗo, Laamɗo mon gonɗo hakkunde mooɗon oon, wo Laamɗo mawɗo, kulɓiniiɗo.

Ardiiɓe 10:6

Israa'iilankooɓe puɗɗiti waɗude ko boni yeeso Joomiraaɗo. Ɓe ɗowtanii allaaji bi'eteeɗi Ba'al e Asteraat, e allaaji Siiriyankooɓe e ɗi Sidoninkooɓe e ɗi Mo'abinkooɓe e ɗi Amoninkooɓe e ɗi Filistiyankooɓe. Ɓe njoppi Joomiraaɗo, ɓe celi ɗowtanaade ɗum.

Ardiiɓe 6:13

Ndeen Gedeyon wi'i: — Joomam, njaafoɗaa kam. Si Joomiraaɗo ina wondi e amin, ɗume saabii de torra hono o hewtii min? Toy baawɗe makko kayɗiniiɗe ɗe maamiraaɓe amin kaalani min kabaaru muɓɓen ɗeen ngoni? Ɓe kollii min no Joomiraaɗo wurtiniri ɓe leydi Misira. Ammaa joonin, o yoppii min, o wattii min du ley juuɗe Madiyankooɓe!