Fillitagol 31:12 - Dewtere Laamɗo Fulfulde Burkina Faso

¹² Kawrondinaa jamaare ndeen fuu, worɓe e rewɓe e sukaaɓe e jananɓe jooɗiiɓe ley galluuje mooɗon faa ɓe nana, ɓe paama de ɓe ekitoo hulude Joomiraaɗo, Laamɗo mooɗon oon. Ndeen ɓe tinnoo e ɗowtanaade haalaaji Tawreeta ɗiin fuu.

Fillitagol 31:12 ပူးပေါင်းရင်းမြစ်များ

Isira 10:1

Nde Isira hofinoo yeeso suudu Dewal Laamɗo ina du'oo, ina woya, ina haalta ko boni ko ɓe ngaɗi fu, jamaa Israa'iila, worɓe e rewɓe e sukaaɓe fuu ngari piilii ɗum ina mboya kamɓen du sanne.

Lewinkooɓe 9:5

Ɓe ngaddi ko Muusaa yamiri ɗuum fuu naarude hukum Ceniiɗo ɗoon. Jamaare Israa'iila fuu wari darii yeeso Joomiraaɗo.

Yuhanna 5:39

Oɗon taykoo Binndi sabo on miilii on keɓan e majji nguurndam nduumiiɗam. De wo kanji jaati ceedantoo kam.

Fillitagol 29:9

Muusaa wi'i ɓe katin: — Inani on onon e ardiiɓe e mawɓe lenyi mon e nayeeɓe e worɓe Israa'iila fuu oɗon ndarii yeeso Joomiraaɗo, Laamɗo mooɗon,

Fillitagol 31:13

Noon waɗata de ɓiɓɓe maɓɓe ɓe anndaano ɗi fuu nana de ekitoo hulude Joomiraaɗo, Laamɗo mooɗon haddi duuɓi ɗi njooɗoytoɗon ley leydi ndi ponndiɗon faa laatoo jeyal mooɗon ndiin fuu.

Fillitagol 4:10

Ciwtoron nyannde ndarinoɗon yeeso Joomiraaɗo, Laamɗo mooɗon tiinde waamnde Sinayi, nde Joomiraaɗo wi'annoo kam: — Kawrondinaa jamaare Israa'iila yeeso am faa mi waɗa ɓe nana konngol am de ɓe ekitoo hulude kam haddi nguurndam maɓɓe ley duuniyaaru fuu. Ɓe ekintina ngol ɓiɓɓe maɓɓe.

Yoosuwa 8:33

Wakkati majjum yimɓe Israa'iila fuu, mawɓe e ardiiɓe e sarotooɓe, e weerɓe wonɓe hakkunde muɓɓen fuu keddii ina ndarii seraaji keesuwal Joomiraaɗo ngaal. Ɓe ndarii yeeso almaami'en, Lewinkooɓe wakkiiɓe keesuwal Amaana Joomiraaɗo ɓeen. Woɓɓe maɓɓe ina ndarii yeeso waamnde Garijim, woɓɓe maɓɓe du ina ndarii yeeso waamnde Ebal. Noon Muusaa maccuɗo Joomiraaɗo yamirnoo ɓe ngaɗira faa ɓe mbarkinee.

Yoosuwa 8:35

Yoosuwa janngi jamirooje Muusaa fuu. Fay gootel walaa ngel o heddi. O janngi ɗe yeeso kawrital yimɓe Israa'iila fuu, kamɓe e rewɓe maɓɓe e ɓiɓɓe maɓɓe e weerɓe jooɗiiɓe hakkunde maɓɓe fuu.