Fillitagol 31:11 - Dewtere Laamɗo Fulfulde Burkina Faso

¹¹ nde jamaare Israa'iila fuu warata daroo yeeso Joomiraaɗo, Laamɗo muuɗum ley nokkuure nde suɓoytoo ndeen, njanngon dewtere Tawreeta ndeen yeeso maɓɓe.

Fillitagol 31:11 ပူးပေါင်းရင်းမြစ်များ

2 Kaanankooɓe 17:37

Ndelle tinnee kaybanee tindinooje e sariyaaji e jamirooje ɗe o winndani on ɗeen wakkati fuu. Wooɗi du taa kulon allaaji goɗɗi.

2 Kaanankooɓe 23:2

Caggal ɗuum, o naatidi e Yahuudiyankooɓe e jooɗiiɓe ley Urusaliima fuu ley suudu Joomiraaɗo, tawti almaami'en e annabaaɓe e yimɓe heddiiɓe sukaaɓe e mawɓe fuu. O janngani ɓe ko winndaa ley dewtere Tawreeta yi'itaande ley suudu Joomiraaɗo ndeen.

Nehemiya 8:13

Nyalaande ɗiɗaɓerde, ardiiɓe cuuɗi e almaami'en e Lewinkooɓe kawriti to Isira jannginoowo faa ɓe ndaara ko dewtere Tawreeta wi'i.

Nehemiya 8:18

Isira janngi dewtere Tawreeta Laamɗo ley nyalaaɗe iidi ɗeen fuu, gilla go'aɓerde faa sakitiinde. Ɓe ngaɗiri iidi oon balɗe jeɗɗi. Ley nyalaande jeeɗaɓerde, ɓe ngaɗi iidi mawɗo fodde no winndiraa.

Nehemiya 9:3

Ɓe ummii, ɓe ndarii, ɓe ngaɗi fodde leeruuji tati iɓe jannganee dewtere Tawreeta Joomiraaɗo, Laamɗo maɓɓe. Katin, ɓe ngaɗi fodde leeruuji tati iɓe kaalta hakkeeji maɓɓe, iɓe kofii e leydi, yeeso Joomiraaɗo, Laamɗo maɓɓe.

Wurtagol 34:24

Mi riiwan lenyi yeeso mooɗon faa mi yaajina leydi mooɗon. Wakkati njahoyton faa ndu'ooɗon yeeso Laamɗo Joomiraaɗo kile tati ley hitaande ndeen, fay gooto muuyataa teetude leydi mooɗon.

Golle Nelaaɓe 13:15

Caggal janngeede Tawreeta Muusaa e dewte annabaaɓe, hooreeɓe waajordu nduun neli ɓe noddee ɓe ngara yeeso muɓɓen. Ɓe mbi'i: — Sakiraaɓe, si oɗon njogii haala cemmbinooha yimɓe ɗo fu, kaalee.

Golle Nelaaɓe 15:21

Gilla e jamaanuuji ɓooyɗi, Tawreeta Muusaa ina jannginee ley gure ɗeen fuu, iɓe njannga ɗum nyalaande fowteteende fuu ley cuuɗi baajorɗi.

Fillitagol 12:11

wo ley nokkuure nde o suɓoytoo faa o tabintina innde makko ndeen ngaddoton ko njamirmi on ɗuum fuu. Ɗum woni kirsamaaji buleteeɗi e sadakaaji e jakkaaji e dokke ko artii ɓenndude e gese mon e sadakaaji mooɗon cuɓaaɗi saabe aadi fuu.

Fillitagol 12:14

Wo ley nokkuure nde Joomiraaɗo suɓoytoo hakkunde lenyi mooɗon ndeen tan njeyɗon sakkude kirsamaaji mon buleteeɗi ɗiin. Wo toon ngaɗoton ko njamirammi on ɗuum fuu.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.