Fillitagol 30:20 - Dewtere Laamɗo Fulfulde Burkina Faso

²⁰ Njiɗon Joomiraaɗo, Laamɗo mooɗon, kettindoɗon jamirooje muuɗum, kaɓɓondiron e muuɗum sabo wo kanko woni nguurndam e njuundam balɗe mon faa keɓon mbuuron ley leydi ndi o huninoo o hokka maamiraaɓe mooɗon Ibrahiima e Isiyaaka e Yaakuuba ndiin.

Fillitagol 30:20 ပူးပေါင်းရင်းမြစ်များ

Fuɗɗoode 12:7

Joomiraaɗo ɓangi e Abram, wi'i ɗum: — Wo ƴuwdi maa kokkammi leydi ndii. Abram mahani Joomiraaɗo sakkirde to ɓangani ɗum toon.

Fuɗɗoode 17:1

Nde Abram hewtunoo duuɓi 99 ndeen, Joomiraaɗo ɓangani ɗum wi'i: — Miin woni Laamɗo Jom Baawɗe. Njokkaa laawol am, laatoɗaa ponnditiiɗo.

Lewinkooɓe 18:5

Njogitoɗon jamirooje am e sariyaaji am. Jogitiiɗo ɗe de waɗi ko ɗe mbi'i fuu wuuran saabe majje. Miin woni Joomiraaɗo.

Yuhanna 14:6

Iisaa jaabii mo: — Miin woni laawol, miin woni goonga, miin woni nguurndam. Fay gooto waawaa yahude to Baabiiwo si rewaay to am.

Yuhanna 17:3

Nguurndam nduumiiɗam wo anndude ma, aan Laamɗo gooto goongaajo oon, e anndude Iisaa Almasiihu mo nulɗaa oon.

Golle Nelaaɓe 11:23

Nde oon yottinoo de yi'i e maɓɓe moƴƴere Laamɗo fu, seyii, tindini ɓe fuu ɓe tinnoo, ɓe tabita e Joomiraaɗo e ɓerɗe laaɓuɗe.

Golle Nelaaɓe 17:25

O haajaaka yimɓe ngollana mo fay huunde, sabo kanko hokkata tageefo ngoon fuu nguurndam e foofaango e huunde fuu.

Golle Nelaaɓe 17:28

Kam waɗi de eɗen mbuura, eɗen njaha, eɗen ngoni ɗo. Hono noon du yimooɓe mooɗon woɓɓe mbi'i: «Enen du, en ƴuwdi makko.»

Romankooɓe 12:9

Njinngu mooɗon laatoo ngu waldaa e naafikaaku. Mbanyee ko boni, kaɓɓee e ko wooɗi.

Galaatiyankooɓe 2:20

Mi wuuraa miin e hoore am katin, wo Almasiihu wuuri ley am. Nguurndam neɗɗo ɗam mbuurammi joonin ɗam, e ley goonɗinal Ɓii Laamɗo mbuurammi ɗam, kanko jiɗɗo kam de hokkitiri hoore muuɗum saabe am oon.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 10:12

Joonin le, onon Israa'iila'en, ɗume Joomiraaɗo, Laamɗo mooɗon haajaa to mooɗon? Si wanaa kulon ɗum de ndewon laabi muuɗum, njiɗon ɗum de ɗowtanoɗon ɗum e ɓerɗe mon e yonkiiji mon fuu.

Fillitagol 10:20

Wo Joomiraaɗo, Laamɗo mooɗon haani kulon. Wo oon haani ɗowtanoɗon de kaɓɓondiron e muuɗum. Wo e innde makko kunortoɗon.

Fillitagol 11:22

Sabo si on njogitake jamirooje ɗe ekintinammi on, on ngaɗii ko ɗe mbi'i, on njiɗii Joomiraaɗo, Laamɗo mooɗon, on ndewii laabi muuɗum, on kaɓɓondirii e muuɗum fu,

Fillitagol 11:9

Noon waɗata de balɗe mon njuuta ley leydi ndi Joomiraaɗo hunanii maamiraaɓe mon hokkan ɗum'en kam'en e taaniraaɓe muɓɓen, ndi kosam e njuumndi ilata e muuɗum ndiin.

Fillitagol 12:10

Ammaa nde peƴƴoyɗon Urdun de njooɗiɗon leydi ndi Joomiraaɗo, Laamɗo mooɗon hokki on faa laatoo ndongu mooɗon, tawi oɗon njooɗii e jam sabo o hisinii on e juuɗe wayɓe fiiliiɓe on ɓeen fu,

Fillitagol 30:16

Ko njamirammi on woni njiɗon Joomiraaɗo, Laamɗo mooɗon, ndewon laabi muuɗum, ngaɗon ko jamirooje e sariyaaji e kiite muuɗum mbi'i. Si on ngaɗii noon fu, on mbuuran de ɗuuɗon, wooɗi du, o barkina on ley leydi ndi naatoton faa njeyton ndiin.

Fillitagol 30:6

Joomiraaɗo, Laamɗo mooɗon heyɗintinan ɓerɗe mon, onon e ƴuwdi mooɗon faa njiɗiron ɗum e ɓerɗe mon fuu, e yonkiiji mon fuu, de mbuuron e jam.

Fillitagol 31:1

Muusaa haaldi e jamaare Israa'iila katin wi'i: —

Fillitagol 32:47

Sabo ɗum wanaa haala ɓola. Wo ɗum nguurndam mooɗon. Wo kanngol waɗata de balɗe mon njuuta ley leydi ndi njeytoyton nde peƴƴoyɗon Urdun ndeen.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 4:4

Ammaa onon jokkuɓe Joomiraaɗo, Laamɗo mooɗon ɓeen kaa, inan on fuu oɗon mbuuri hannden.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 4:6

Ɗowtanoɗon ɗe de ngaɗon ko ɗe mbi'i. Ɗuum seedantoo lenyi nanooji haala jamirooje ɗeen hakkillo mon e anndal mon, faa ɓe mbi'a: — Sikke walaa, lenyol ngol na woodi hakkillo e anndal. Wo ngol lenyol manngol!

Fillitagol 5:16

Teddinaa baaba ma e inna ma hono no Joomiraaɗo, Laamɗo maaɗa yamiri ma noon faa balɗe maaɗa njuuta de keɓaa barke ley leydi ndi o hokkete ndiin.

Fillitagol 6:2

Noon waɗata faa kulon Joomiraaɗo, Laamɗo mooɗon de ndeenon sariyaaji e jamirooje ɗe ekintinanmi on ɗeen haddi nguurndam mon fuu, onon e ɓiɓɓe mon e taaniraaɓe mon faa balɗe mooɗon njuuta.

Fillitagol 6:5

Njiɗiraa Joomiraaɗo, Laamɗo maaɗa e ɓernde maa fuu e yonki maa fuu e semmbe maa fuu.

Yoosuwa 23:11

Saabe majjum kakkilee, njiɗee Joomiraaɗo, Laamɗo mon.

Yoosuwa 23:8

Ammaa kawtee e Joomiraaɗo, Laamɗo mon hono no njokkirɗon mo faa warde hannden ni.

Holleede 21:6

O wi'i kam katin: — Huunde fuu timmii! Miin woni arandeejo, miin woni cakitotooɗo. Miin woni fuɗɗoode, miin woni timmoode. Neɗɗo fuu ɗomɗuɗo, mi hokkan ɗum ndiyam nguurndam ƴuuruɗam e ildude ndeen ɓolum tawa yoɓaay faa'e.

Holleede 22:1

Caggal ɗuum, maleyka oon holli kam maayo ngo ndiyam muuɗum hokkata nguurndam, njalbiroojam hono daandorgal. Iɗam ƴuura to jooɗorgal laamu Laamɗo e Jawgel ngeel toon.

Holleede 22:17

Ruuhu e ɓaŋeteeɗo oon ina mbi'a: — War! Neɗɗo fuu nanɗo ɗum wi'a: «War!» Neɗɗo fuu ɗomɗuɗo wara, jiɗuɗo yarude ndiyam kokkoojam nguurndam fuu jaɓa yara ɗam ɓolum tawa yoɓaay faa'e.