Fillitagol 3:11 - Dewtere Laamɗo Fulfulde Burkina Faso

¹¹ Tawi ley lenyol Refayinkooɓe fuu, Oga kaananke Basan tan heddinoo na wuuri. Leeso makko, wo njamndiiwo. Njuuteefi muuɗum na ɓura piyanɗe jeetati, njaajeefi muuɗum du hono piyanɗe nay. Ingo woni wuro Rabba leydi Amoninkooɓe faa warde hannden.

Fillitagol 3:11 ပူးပေါင်းရင်းမြစ်များ

Fuɗɗoode 14:5

Ley hitaande sappo e nayaɓerde, Kedar-Layomer e Kaanankooɓe wonduɓe e muuɗum ɓeen ngari njaalii Refayinkooɓe nokku bi'eteeɗo Astarot-Karnayim. Ɓe njaalii Jujinkooɓe ngenndi Ham, tawti Eminkooɓe ley njaayri Kiriyatayim,

Fuɗɗoode 6:15

Inan no moƴƴinirtaa ka: Njuuteefi makka laatoo piyanɗe 300, njaajeefi makka laatoo piyanɗe 50, tooweefi makka du laatoo piyanɗe 30.

2 Samuwiila 11:1

Wakkati gataaje fu, kaanankooɓe mburtoto faa kaɓowee. Wo wakkati oon Daawda nulii Yo'ab e maccuɓe mum e sordaasiiɓe Israa'iila fuu, faa ɓe kaɓa e Amoninkooɓe. Ɓe njehi, ɓe kalki ɗum'en. Ndeen ɓe piilii wuro Rabba. Daawda kaa yahaay. Imo heddii Urusaliima.

2 Samuwiila 12:26

Wooɗi, Yo'ab haɓi e wuro Rabba ngalluure Amoninkooɓe mawnde, de nanngi suudu kaananke reenaandu nduun.

Amos 1:14

Mi neldan yiite dow kokuuji Rabba, nge nyaama laamorɗi muuɗum, hakkunde olkooji konu nyannde wolde, ley kenhenam ƴuwoonde mawnde.

Amos 2:9

Miin woni kalkunooɗo Amorinkooɓe yeeso maɓɓe. Ɗum woni toowuɓe hono leɗɗe seddere, semmbiɗinɓe hono leɗɗe mawɗe ɓeen. Mi halkii ɓiɓɓe muɓɓen gilla dow, mi yoornii ɗaɗi muɓɓen du faa ley.

Fillitagol 2:11

Eminkooɓe e Anakinkooɓe fuu na noddiree Refayinkooɓe. Ammaa Mo'abinkooɓe na noddirannoo ɓe Eminkooɓe.

Fillitagol 2:20

Leydi ndiin du, na ndaardenoo wo leydi Refayinkooɓe. Wo ɓeen njooɗinoo toon arande. Amoninkooɓe na noddira ɓe Jamjuminkooɓe.

Yoosuwa 12:4

Laamiiɗo ɗiɗaɓo oon wo Oga kaananke Baasan, keddiiɗo hakkunde Refayinkooɓe (tagaako mawko mawko). Imo jooɗinoo ley Asterot e Edirey.

Yoosuwa 13:12

Ɓe keɓi du laamorde kaananke Oga, mo Baasan, laaminooɗo Asterot e Edirey, gooto keddiiɗo hakkunde Refayinkooɓe. Muusaa jaalakeno yimɓe ɓeen fuu, de riiwi ɓe.

Holleede 21:17

O fonndi kokuwol ngool, ngol hawri e piye 144, piye ɗe yimɓe piyata ɗeen maleyka oon fiyirta.

1 Samuwiila 17:4

Gorko jaalotooɗo gomma wurtii ndaaka Filistiya'en fonndii to Israa'iila'en. Innde makko wo Goliyat, jeyaaɗo wuro Gaat. Darnde makko wo piyanɗe jeegom e feccere.