Fillitagol 28:54 - Dewtere Laamɗo Fulfulde Burkina Faso

⁵⁴ Gorko ɓurnooɗo yaage e heesindaare ndaardan sakiike muuɗum nganyaandi. Noon du o ndaardata deekiiko e ɓiɓɓe wurtiiɓe e makko fuu.

Fillitagol 28:54 ပူးပေါင်းရင်းမြစ်များ

2 Samuwiila 12:3

Ammaa talkaajo oon fay huunde walaa si wanaa ɓinngel baalel bortel ngel o soodi. Imo nyaamna ngel, ngel mawnidi e sukaaɓe makko ley wuro makko. Imo nyaamna ngel nyaamdu makko, imo yarna ngel e jardugal makko, ingel ɗaanoo e ley juuɗe makko. Ngel laatii hono ɓinngel makko dewel.

Banndi 23:6

Taa nyaamu nyaamdu ɗawɗo, taa suune neema muuɗum belɗo,

Banndi 28:22

Ɗawɗo ina tefa heɓude jawdi law, o anndaa talkaaku na ɗappinanii mo.

Matta 11:8

Ndelle, ɗume njaaɗon faa ndaarowon? Gorko nyaaƴoowo naa? Si goonga, nyaaƴooɓe wo ley galleeji kaanankooɓe tawetee.

Matta 20:15

Wanaa ko weli kam ngaɗammi ceede am naa? Naa a hirii saabe moƴƴere am?»

Fillitagol 13:6

Annabaajo naa piirtoowo koyɗi oon kaa, sey waree saabe ekintinii on muurtande Joomiraaɗo, Laamɗo mooɗon, burtinɗo on leydi Misira ley suudu maccungaaku de rimɗini on. O muuyii celon laawol ngol Joomiraaɗo, Laamɗo mooɗon yamiri ndewon ngool. Ndelle sey itton ko boni ɗuum hakkunde mooɗon.

Fillitagol 15:9

Kakkilon, taa miilooji bonɗi koomta on de mbi'on: «Hitaande jeɗɗaɓerde nde yaafagol nyamaale ndeen ɓadake.» Taa ndaardon sakiike mon talkaajo oon bonde de kunngoɗon hokkude ɗum faa'e, sabo o wullitoto to Joomiraaɗo saabe ko ngaɗuɗon o ɗuum de waddana on hakke.

Fillitagol 28:53

Wakkati oon e ley ɓillaare nde wayɓe mon ɓeen ɓillata on ndeen, on nyaaman teewu ɓiɓɓe mooɗon. On nyaaman ɓiɓɓe mon worɓe e rewɓe ɓe Joomiraaɗo, Laamɗo mooɗon hokki on ɓeen.

Fillitagol 28:55

O laatoto noon taa o yeɗa ɓeen teewu ɓiɓɓe makko ɓe o nyaamata, sabo faa'e heddanaaki o katin e ley ɓillaare nde wayɓe mooɗon ɓillata on nder galluuje mon fuu ndeen.