Fillitagol 28:36 - Dewtere Laamɗo Fulfulde Burkina Faso

³⁶ Joomiraaɗo waɗan onon e kaananke mo cuɓiɗon laatoo hooreejo mon oon fuu njaareɗon leydi njanandi ndi onon e maamiraaɓe mon fuu anndaano. Toon ɗowtanoytoɗon allaaji goɗɗi gaɗiraaɗi leɗɗe e kaaƴe.

Fillitagol 28:36 ပူးပေါင်းရင်းမြစ်များ

2 Kaanankooɓe 25:11

Nebujaradan nanngi yimɓe heddinooɓe ley galluure e doggunooɓe tuubanowi kaananke Baabiila e yimɓe heddiiɓe fuu yaari ɗum'en Baabiila.

2 Kaanankooɓe 25:21

Kaananke oon wari ɓe ley wuro Ribila toon. Noon Yahuudiyankooɓe nanngiraa njaaraa to woɗɗi e leydi muɓɓen.

Fillitagol 28:64

Joomiraaɗo sankitan on hakkunde lenyi keddiiɗi fuu gilla keerol leydi nano faa ngol nyaamo. Toon ɗowtanoytoɗon allaaji goɗɗi ɗi onon e maamiraaɓe mon fuu anndaano, ɗum woni allaaji gaɗiraaɗi leɗɗe e kaaƴe.

Fillitagol 29:17

Ndelle saabe ɗuum, kakkilon taa ɓernde fay gooto hakkunde mooɗon, wanaa gorko, wanaa debbo, wanaa suudu, wanaa lenyol, tottitoo Joomiraaɗo, Laamɗo meeɗen de yaha ɗowtanowoo allaaji lenyi ɗiin. Taa ɗaɗol lekki ndimoohi ko warata naa tooke barooje tawee hakkunde mooɗon.

Fillitagol 4:27

Joomiraaɗo riiwan on, sankita on hakkunde leyɗe lenyi goɗɗi. Fay toon, seeɗa e mooɗon tan heddotoo.

Fillitagol 4:28

Toon ɗowtanoytoɗon allaaji tagiraaɗi juuɗe ɓiɓɓe-Aadama, tooruuji leɗɗe e kaaƴe ɗi mbaawaa yi'ude naa nanude naa nyaamude naa uurnaade.

1 Samuwiila 12:25

Ammaa si oɗon keddoo e ley bonnde fuu, onon e kaananke mooɗon fu, on kalkete.