Fillitagol 27:3 - Dewtere Laamɗo Fulfulde Burkina Faso

³ Mbinndon jamirooje ɗeen fuu dow kaaƴe ɗeen. Ngaɗon noon wakkati naatoyɗon leydi ndi Joomiraaɗo, Laamɗo maamiraaɓe mooɗon hokkata on, ndi kosam e njuumndi ilata e muuɗum ndiin, fodde no wiirunoo noon.

Fillitagol 27:3 ပူးပေါင်းရင်းမြစ်များ

Lewinkooɓe 20:24

Saabe ɗuum de mbiimi on: — Wo onon njeytata leydi maɓɓe ndiin. Miin e hoore am hokkata on ndi. Wo ndi leydi ndi kosam e njuumndi ilata e muuɗum. Miin woni Joomiraaɗo, Laamɗo mooɗon. Wo miin senndi on e lenyi keddiiɗi fuu.

Limle 13:27

Ɓe mbi'i: — Min njehii leydi ndi nelɗon min korowa ndiin. Si goonga leydi ndiin wo leydi ndi kosam e njuumndi ilata e muuɗum. Inan du ɓiɓɓe leɗɗe mayri.

Limle 14:8

Si hinney Joomiraaɗo na wondi e meeɗen fu, ardoto en de hokka en ndi, kayri ndi kosam e njuumndi ilata e muuɗum ndiin.

Fillitagol 26:9

O waddi min nokkuure ndee, o hokki min leydi ndi kosam e njuumndi ilata e muuɗum.

Fillitagol 6:3

Ndelle onon Israa'iila'en, kettindoɗon faa wooɗa de tinnoɗon ngaɗon ko yamiraa faa keɓon jam, ɓeydoɗon keewon fodde no Joomiraaɗo, Laamɗo maamiraaɓe mooɗon wi'iri on laatoyto ley leydi ndi kosam e njuumndi ilata e muuɗum ndiin.

Fillitagol 6:8

Kaɓɓaa ɗe e juuɗe maaɗa hono maande, ɗe ngona dow tiinde maaɗa.

Ibraninkooɓe 10:16

«Joomiraaɗo wi'i: Inan amaana mo ngaɗidammi e maɓɓe e ley balɗe garooje: Mi wattan jamirooje am e ɓerɗe maɓɓe, mi winnda ɗe e hakkillooji maɓɓe.»

Yoosuwa 5:6

Wooɗi yimɓe Israa'iila ngaɗiino duuɓi 40 ina njaha ley ladde. Wakkati majjum ɓe keɓaay taadude ɓiɓɓe maɓɓe worɓe. Waawɓe konu wurtiiɓe Misira ɓeen du fuu maayii nder ladde saabe ko ɓe ɗowtanaaki Joomiraaɗo ɗuum. Joomiraaɗo hunii, wi'i ɓe nji'ataa leydi ndi o hunaninoo maamiraaɓe maɓɓe o hokkan en, enen taaniraaɓe maɓɓe, ndi kosam e njuumndi heewi e muuɗum ndiin.

Yoosuwa 8:32

Yeeso yimɓe Israa'iila ɗoon, Yoosuwa winndi dow kaaƴe hirsirde ndeen binndi Tawreeta ɗi Muusaa winndunoo.