Fillitagol 26:8 - Dewtere Laamɗo Fulfulde Burkina Faso

⁸ Ndeen o wurtiniri min leydi Misira ndiin e semmbe makko mawɗo e maandeeji kaayniiɗi kulɓiniiɗi.

Fillitagol 26:8 ပူးပေါင်းရင်းမြစ်များ

Wurtagol 12:37

Israa'iila'en ummii Ramses ponndii Sukkot. Limoore maɓɓe wo worɓe ujunaaje keme njeegom (600.000), baka rewɓe e sukaaɓe walaa.

Wurtagol 12:41

Nde duuɓi 430 ɗiin kiɓɓunoo fu, ley nyalaande majjum pay jamaare Joomiraaɗo ndeen fuu wurtorii leydi Misira geɓe geɓe.

Wurtagol 12:51

Nyannde ndeen pay, Joomiraaɗo wurtiniri jama'aaje Israa'iila'en ɓeen ley leydi Misira geɓe geɓe.

Wurtagol 13:3

Ndeen Muusaa wi'i yimɓe ɓeen: — Miccoɗon nyalaande nde, wo nyalaande nde mburtiɗon Misira, ley leydi maccungaaku, sabo wo junngo Joomiraaɗo semmbiɗingo wurtini on. Taa nyaamon huunde fuu ko jillaa rabilla.

Wurtagol 6:6

Saabe ɗuum mbi'aa yimɓe Israa'iila: Miin woni Joomiraaɗo, mi wurtinan on ley golleeji tiiɗɗi ɗi Misirankooɓe ngatti on ɗiin. Mi dannan on e maccungaaku maɓɓe, mi rimɗiniran on junngo semmbiɗinngo e sariyaaji mawɗi ɗi ngaɗammi.

Fillitagol 34:11

Fay gooto hewtaay o e waɗude maandeeji kaayniiɗi kulɓiniiɗi ɗi Joomiraaɗo neli o o waɗowi ley leydi Misira, yeeso Fira'awna e gollooɓe muuɗum e leydi ndiin fuu.

Fillitagol 34:12

Walaa fuu annabaajo keɓuɗo baawɗe waɗude kujje mawɗe kulɓiniiɗe sanne hono no Muusaa waɗiri e gite jamaare Israa'iila noon.

Fillitagol 4:34

Yalla woodii alla ennduɗo warude hooƴira lenyol hakkunde lenyol gonungol ley torraaji e maandeeji e kaayeefiiji e konu e semmbe mawɗo e kujje mawɗe kulɓiniiɗe, hono no Joomiraaɗo, Laamɗo mooɗon waɗiri ley leydi Misira e gite mooɗon noon naa?

Fillitagol 5:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa wurtiniri ma semmbe mawɗo. Saabe ɗuum de Joomiraaɗo, Laamɗo maaɗa yamiri ma kakkilanaa nyalaande fowteteende ndeen.