Fillitagol 26:5 - Dewtere Laamɗo Fulfulde Burkina Faso

⁵ Ndeen muɓɓiton kunnduɗe mon mbi'on: — Baabii amin na laatinoo Araminkeejo egga-hoɗaajo. Ndelle o yehiino leydi Misira kanko e yimɓe seeɗa ɓe njooɗowii. Wari ɓe ɗuuɗi ɓe laatii lenyol manngol cemmbiɗingol.

Fillitagol 26:5 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

Fuɗɗoode 24:4

Ammaa a yahan ley leydi am to suudu baaba am toon de kooƴanowaa ɓiyam Isiyaaka debbo.

Fuɗɗoode 25:20

Duuɓi Isiyaaka wo 40 nde ɓaŋannoo Rebeka minyoo Laban, ɓii Betuwel Aramanke ƴuuruɗo Padan-Aram oon.

Fuɗɗoode 27:41

Ɓernde Isuwa wanyi Yaakuuba saabe barke mo bammum barkini ɗum oon. Isuwa anniyii, wi'i: — Maayde baaba am ɓadake, caggal ɗuum, mi waran sakiike am Yaakuuba.

Fuɗɗoode 28:5

Isiyaaka neli Yaakuuba yaha Padan-Aram to Laban ɓii Betuwel Aramanke. Kanko woni sakiike Rebeka, inna Yaakuuba e Isuwa.

Fuɗɗoode 31:20

Noon Yaakuuba hiiliri Laban Aramanke, sabo o humpitaay ɗum o dillan.

Fuɗɗoode 31:24

Laamɗo ɓangani Laban Aramanke oon jemma ley koyɗol, wi'i ɗum: — Tinna, taa mbi'aa Yaakuuba fay huunde, yalla ko wooɗi naa ko wooɗaa!

Fuɗɗoode 31:40

Nyannde fuu, nguli na torra kam, jemma du wo jaangol. Ɗoyngol dilli e gite am.

Fuɗɗoode 43:12

Njaaree ceede ɗe tawɗon ley bootooji mon ɗeen, wooɗi du kooƴon ceede goɗɗe. Ina waawi tawee wo ɗum boofi.

Fuɗɗoode 45:11

Mi jogete, aan e ɓaade maaɗa, e jeydaaɗo maa fuu, faa taa ɓilloɗon, sabo rafo ngo heddoto faa waɗa duuɓi joy katin.»

Fuɗɗoode 45:7

Laamɗo neli kam yeeso mon ley leydi ndi faa mi hisina on, onon e ɓiɓɓe mooɗon, kisindam mawɗam.

Fuɗɗoode 46:27

Ɓiɓɓe Yuusufi worɓe rimaaɓe Misira wo ɗiɗo. Yimɓe suudu Yaakuuba yottiiɓe Misira fuu wo 70.

Fuɗɗoode 47:27

Ɓiɓɓe Israa'iila du koɗi leydi Misira nder leydi Goosan. Ɓe keɓi toon jawdi, ɓe ndimi, ɓe keewi sanne.

Fuɗɗoode 47:4

Min ngarii wo min yananɓe ley leydi maa, sabo dammuuli maccuɓe maa ngalaa durduɗe, rafo sattii ley leydi Kanaana. Joonin miɗen ŋaare, njardoɗaa maccuɓe maa njooɗoo ley leydi Goosan.

Wurtagol 1:12

Ammaa no Misirankooɓe tampiniri ɓe fu, wo noon ɓe ɓeydorii ɗuuɗude, noon du ɓe ɓeydorii sankitaade. Saabe ɗuum de Israa'iila'en mbemmbi Misirankooɓe sanne.

Wurtagol 1:5

Ƴuwdi Yaakuuba wo yimɓe 70. Tawi Yuusufi kaa ina woni leydi Misira.

Wurtagol 1:7

Yimɓe Israa'iila ndimi, ɗuuɗi sanne. Ɓe ɓeydii, ɓe ɗuuɗi sanne, semmbe maɓɓe du ɓeydii. Ɓe keewi e leydi ndiin fuu.

Golle Nelaaɓe 7:15

Yaakuuba nootowii Yuusufi Misira. O maayi toon, kanko e maamiraaɓe meeɗen ɓeen.

Fillitagol 1:10

Joomiraaɗo, Laamɗo mooɗon barkinii on, ɗuuɗinii on faa inan hannden oɗon nanndi e koode kammu.

Fillitagol 10:22

Nde maamiraaɓe mooɗon naatannoo leydi Misira ndeen wo 70. Ammaa hannden Joomiraaɗo, Laamɗo mooɗon waɗii on ɗuuɗii hono koode kammu ni.

Fillitagol 26:4

Almaami oon jaɓa kanndeeje ɗeen joƴƴina yeeso sakkirde Joomiraaɗo, Laamɗo mooɗon.

Fillitagol 7:7

Wanaa saabe oɗon ɓuri lenyi keddiiɗi fuu ɗuuɗude de Joomiraaɗo suɓii on, haɓɓondiri e mooɗon, sabo oɗon anndi onon ɓuri lenyi keddiiɗi ɗiin fuu famɗude.