Fillitagol 26:19 - Dewtere Laamɗo Fulfulde Burkina Faso

¹⁹ Noon o waɗi faa o ɓurna on teddeengal e innde anndaaku e maneede hakkunde lenyi adunaaru ɗi o tagi fuu de laatoɗon lenyol ceniingol saabe Joomiraaɗo, Laamɗo mooɗon fodde no wiirunoo on noon.

Fillitagol 26:19 ပူးပေါင်းရင်းမြစ်များ

Wurtagol 19:5

Joonin du si on kettindake haala am, si on njokkii amaana am, on laatoto jeyal am korsungal hakkunde lenyi fuu, sabo miin jeyi adunaaru fuu.

Wurtagol 19:6

On laatoto laamu almaami'en e lenyol ceniingol. Ɗi ngoni haalaaji ɗi kaalantaa Israa'iila'en.

Fillitagol 27:1

Muusaa e mawɓe Israa'iila kokki jamaare Israa'iila yamiroore ndee mbi'i ɗum'en: — Ɗowtanoɗon yamiroore nde kokkammi on hannden ndeen.

Fillitagol 28:1

Si on kettindanake Joomiraaɗo, Laamɗo mooɗon, on ɗowtanake jamirooje muuɗum fuu fodde no kollirammi on hannden noon fu, teddinan on ɓurna lenyi adunaaru keddiiɗi fuu.

Fillitagol 28:13

O hennan on hoore, abada on keedataa gaɗa. O toownan on yeeso lenyi fuu, on leeƴataa si on kettindake, on tinnake e ɗowtanaade jamirooje ɗe ekintinanmi on hannden ɗeen.

Fillitagol 28:9

Si on ɗowtanake jamirooje Joomiraaɗo ɗe kam e hoorem hokki on ɗeen, de ndewuɗon laabi muuɗum fu, waɗan laatoɗon yimɓe muuɗum seniiɓe fodde no hunoranii on noon.

Fillitagol 7:6

Saabe wo on lenyol ceniingol yeeso Joomiraaɗo, Laamɗo mooɗon, de kam du suɓii on faa laatoɗon jeyal muuɗum korsungal hakkunde lenyi adunaaru fuu.

1 Piyeer 2:5

Onon du oɗon nga'i hono no kaaƴe buurɗe nyiɓirteeɗe suudu seniindu ni. Wo on almaami'en seniiɓe, waddanooɓe Laamɗo sadakaaji teddinooji ɗum. Laamɗo na jaɓira ɗi saabe Iisaa Almasiihu.

1 Piyeer 2:9

De onon kaa, wo on lenyol cuɓaangol, wo on almaami'en gollanooɓe Kaananke oon, wo on lenyol ceniingol, wo on yimɓe ɓe Laamɗo suɓanii hoore muuɗum. O suɓake on faa kaalon kabaaru moƴƴuki makko, kanko nodduɗo on ƴuuwde e nimre warude e annoora makko kaayniiɗo oon!