Fillitagol 26:13 - Dewtere Laamɗo Fulfulde Burkina Faso

¹³ Ndeen mbi'on yeeso Joomiraaɗo, Laamɗo mooɗon: — Min ittii jakka ceniiɗo ley cuuɗi amin de min kokki Lewinkooɓe e jananɓe e atiime'en e rewɓe ɓe goriraaɓe muɓɓen maayi fodde no njamirɗaa min noon. Min njeebaaki fay wootere e jamirooje maaɗa, min njeggitaay ɗe.

Fillitagol 26:13 ပူးပေါင်းရင်းမြစ်များ

Banndi 3:1

Ɓiyam, taa yeggitin tindinooje am, joga jamirooje am ley ɓernde maa.

Golle Nelaaɓe 24:16

Saabe ɗuum miɗo tinnoo wondude e ɓernde nde walaa feloore yeeso Laamɗo e yeeso yimɓe wakkati fuu.

2 Korintunkooɓe 1:12

Inan ko min mantortoo: ɓerɗe amin ina ceedanoo min min mbuurdii e goonga e laaɓal ɓerɗe ƴuurungal to Laamɗo ley adunaaru ndu, sakko hakkunde mooɗon. Min ngaɗiraay ɗum hakkillooji ɓiɓɓe-Aadama, ammaa wo e moƴƴere Laamɗo.

2 Korintunkooɓe 11:31

Jettooje ngoodanii Laamɗo Baaba Iisaa Joomiraaɗo meeɗen faa abada. Kam anndi mi fenaay.

Fillitagol 14:29

Ndeen Lewinkooɓe ɓe ngalaa ndongu hakkunde mooɗon ɓeen e jananɓe e atiime'en e rewɓe ɓe goriraaɓe muɓɓen maayi jooɗiiɓe ley galluuje ɗeen ngaran nyaama faa kaara de Joomiraaɗo, Laamɗo mooɗon barkina golleeji mooɗon fuu.

Fillitagol 26:12

Ley hitaande tataɓerde ɗum woni hitaande jakka ndeen, wakkati timminɗon tayri gese mooɗon fu, kokkon jakka tayri ndiin fuu Lewinkooɓe e jananɓe e atiime'en e rewɓe ɓe goriraaɓe muɓɓen maayi. Ɓe nyaama faa ɓe kaara ley galluuje mooɗon ɗeen.

Fillitagol 26:14

Min nyaamaay fay gootum e majjum wakkati min ngondunoo e mettorgal saabe maayreede, min ittaay faa'e nde min laatinoo tuunɓe wooɗi du, min cakkanaay faa'e saabe maayɗo. Min kettindanake Joomiraaɗo, Laamɗo amin, min ngaɗii no njamirɗaa min noon pay.

1 Tesaloniyankooɓe 2:10

Oɗon ceedanii min, Laamɗo du ina seedanii min, no min ngorri hakkunde mooɗon, onon goonɗinɓe. Miɗen cenii, miɗen ponnditii, min ngalaa feloore fuu.