Fillitagol 25:5 - Dewtere Laamɗo Fulfulde Burkina Faso

⁵ Si yaaye-gootooɓe ɗiɗo na mbuurdi ley ɓaade wootere de gooto muɓɓen maayii, tawii heɓaayno ɓiɗɗo gorko fu, taa deekum dilla ɓangowee janano. Sakiike goriiko oon janta o, o laatoo deekum faa heɓana maayɗo oon donoowo.

Fillitagol 25:5 ပူးပေါင်းရင်းမြစ်များ

Fuɗɗoode 19:31

Nyannde gom afo oon haaldi e minyum wi'i ɗum: — Baabii'en naywii, wooɗi gorko du fuu walaa e nokku o faa wonda e meeɗen hono no woowri ley duuniyaaru noon.

Matta 22:24

Ɓe ƴami mo, ɓe mbi'i: — Moodibbo, Muusaa wi'i: «Si neɗɗo maayii heɓaay ɓiɗɗo, minyum naa mawnum dewla debbo joppaaɗo oon, faa heɓana ɗum ɓeyngu.»

Marka 12:19

— Moodibbo, Muusaa yamirii en si neɗɗo ɓaŋii debbo, maayii tawii heɓaay ɓiɗɗo fu, minyum naa mawnum dewla debbo joppaaɗo oon faa heɓana maayɗo oon ɓeyngu.

Luuka 20:28

— Moodibbo, Muusaa yamirii en, si neɗɗo ɓaŋii debbo, maayii, heɓaay ɓiɗɗo, minyum naa mawnum dewla debbo joppaaɗo oon faa heɓana maayɗo oon ɓeyngu.

Ruttu 1:11

Ammaa Na'omi wi'i ɓe: — Sukaaɓe am coƴƴee to yimɓe mooɗon. Yalla miɗo waawi heɓude ɓiɓɓe worɓe faa laatanoo on goriraaɓe katin naa?

Ruttu 3:13

Hedda ɗo faa weeta. Si tawi jaango imo yiɗi rimɗinde maa fu, o rimɗinte. Ammaa si tawi, o yiɗaa fu, miɗo hunorii e innde Joomiraaɗo, miin mi rimɗinte. Waalu ɗo faa weeta!

Ruttu 3:2

Inan Bo'as mo ngollidannoɗaa e horɓe muuɗum oon, wanaa jeydaaɗo e meeɗen naa? Ley jemma o, o ƴarotoo sa'iiri makko to sokkirde.

Ruttu 3:9

De wi'i ɗum: — Aan wo a moy? O jaabii mo: — Wo miin Ruttu, korɗo maaɗa. Miɗo ŋaare ndeenaa kam, sabo wo a jeyɗo rimɗinde kam.

Ruttu 4:5

Caggal ɗuum Bo'as wi'i katin: — Nde cooduɗaa ngesa ngaan e junngo Na'omi fu, Ruttu Mo'abinkeejo, maayiraaɗo oon du laatotoo deeka, faa keɓanaa maayɗo oon donoowo ɗum, jeytoowo ngesa ngaan.