Fillitagol 24:7 - Dewtere Laamɗo Fulfulde Burkina Faso

⁷ Si Israa'iilanke happii sakiike muuɗum waɗii maccuɗo naa sonnii ɗum fu, wo bareteeɗo. Noon ittirton ko boni hakkunde mooɗon.

Fillitagol 24:7 ပူးပေါင်းရင်းမြစ်များ

Ayuuba 24:3

Iɓe ndiiwa araaji atiime'en, iɓe teeta ngaari maayraaɗo gorum faa yoɓa ko nyalminoo.

Ayuuba 24:9

Woɓɓe ina teeta atiimehoy musinoohoy, iɓe nannga ɓiɓɓe talkaaɓe faa njoɓa ko nyalminoo.

Wurtagol 21:16

Kappuɗo ɓii-Aadama de sonni ɗum, naa si kappaaɗo oon tawaama e junngo makko fu, tilay gujjo oon waree.

Fillitagol 13:6

Annabaajo naa piirtoowo koyɗi oon kaa, sey waree saabe ekintinii on muurtande Joomiraaɗo, Laamɗo mooɗon, burtinɗo on leydi Misira ley suudu maccungaaku de rimɗini on. O muuyii celon laawol ngol Joomiraaɗo, Laamɗo mooɗon yamiri ndewon ngool. Ndelle sey itton ko boni ɗuum hakkunde mooɗon.

Fillitagol 17:7

Seediiɓe o waɗii ko boni ɓeen artotoo paɗɗa joomum kaaƴe faa mbara ɗum de yimɓe fuu ndewta. Noon ittirton ko boni hakkunde mooɗon.

Fillitagol 19:19

Si on tawii wo o penoowo fu, ngaɗon o ko o haajanoo sakiike makko oon waɗee ɗuum. Noon ittirton ko boni hakkunde mooɗon.

Fillitagol 24:6

Taa njaɓon kaaƴe niisirɗe, mawnde e famarde to goɗɗo saabe tolma, ɗuum wo hooƴude nguurndam joomum jaati.

1 Timote 1:10

e jeenooɓe e luuɗunkooɓe e soodooɓe yimɓe de cootta ɗum'en e fenooɓe e hunotooɓe fewre. Jamirooje ɗeen ngaɗiraama saabe huunde fuu ko luttunduri e tindinooje celluɗe.

Holleede 18:13

Gineeji maɓɓe katin wo funngooji belnirɗi e uurnirɗi e gowe e nebbam uurɗam e uurdi miira e uurdi cuurtinteendi e cabijam e nebbam ɓiɓɓe jaytun e conndi alkama e aawdi alkama e na'i e baali e pucci e torkooji e maccuɓe e yonkiiji yimɓe.