Fillitagol 24:19 - Dewtere Laamɗo Fulfulde Burkina Faso

¹⁹ Wakkati tayri gese mon, si on njeggitii haɓɓere ley ngesa fu, taa njeccanoɗon nde. Njoppanon nde janano e atiime e debbo mo gorum maayi. Ndeen Joomiraaɗo, Laamɗo mooɗon barkinan golleeji mon fuu.

Fillitagol 24:19 ပူးပေါင်းရင်းမြစ်များ

Ayuuba 42:12

Joomiraaɗo du barkini Ayuuba e balɗe muuɗum cakitiiɗe faa ɓuri ko barkinnoo ɗum arande. O heɓi baali e be'i 14.000 e geelooɗi 6.000 e na'i 2.000 e araaji debbi 1.000.

Banndi 14:21

Jawuɗo goɗɗo waɗii hakke, ammaa kilniiɗo talkaajo kaa wo barkinaaɗo.

Banndi 19:17

Moƴƴanɗo talkaaɓe wuƴake Joomiraaɗo, Joomiraaɗo du yoɓan joomum.

Lewinkooɓe 23:22

Nde tayri gese mooɗon hewti fu, taa taƴon butaali gonɗi dow keeri gese ɗeen. Taa cuɓtinoɗon gabbe maa butaali kedditiiɗi ley gese mooɗon. Njoppanon ɗum talkaaɓe e jananɓe. Miin woni Joomiraaɗo, Laamɗo mooɗon.

Luuka 6:35

Onon le, njiɗee wayɓe on, ngaɗon moƴƴere, nyamloɗon tawee on miilaaki yoɓeede fey. Ndeen, on keɓan mbarjaari mawndi, on laatoto ɓiɓɓe Laamɗo Toowɗo, sabo oon ina waɗana bonnooɓe moƴƴere, ina waɗana bonɓe du.

Luuka 6:38

Kokkee, on kokkete etirgal lobbal, dimmbaangal de ɗibbaa faa ƴolii, ina rufa, saawee e kaddule mooɗon. Sabo etirgal ngal etirton, wo ngaal etiranteɗon.

Fillitagol 14:29

Ndeen Lewinkooɓe ɓe ngalaa ndongu hakkunde mooɗon ɓeen e jananɓe e atiime'en e rewɓe ɓe goriraaɓe muɓɓen maayi jooɗiiɓe ley galluuje ɗeen ngaran nyaama faa kaara de Joomiraaɗo, Laamɗo mooɗon barkina golleeji mooɗon fuu.

Fillitagol 15:10

Ndelle nyamloɗon o, wooɗi du, kokkiron o yardamuye. Si on ngaɗii noon fu, Joomiraaɗo, Laamɗo mooɗon barkinan golle mon e ko anniyiɗon waɗude fuu.

Fillitagol 24:18

Miccitoɗon on laatakeno maccuɓe leydi Misira de Joomiraaɗo, Laamɗo mooɗon rimɗini on. Wo saabe ɗuum de miɗo yamira on ngaɗon noon.

Fillitagol 26:13

Ndeen mbi'on yeeso Joomiraaɗo, Laamɗo mooɗon: — Min ittii jakka ceniiɗo ley cuuɗi amin de min kokki Lewinkooɓe e jananɓe e atiime'en e rewɓe ɓe goriraaɓe muɓɓen maayi fodde no njamirɗaa min noon. Min njeebaaki fay wootere e jamirooje maaɗa, min njeggitaay ɗe.

Ruttu 2:16

Njoppanon mo du ƴommbe gonnduɗe e cammeeje caggal mooɗon faa o suɓa ɗe.

Ruttu 2:2

Nyannde gomma Ruttu Mo'abinkeejo oon wi'i Na'omi: — Accu mi yaha ley gese, mi jokka taƴooɓe, mi suɓaa cammeeje keddiiɗe, si tawi won jaɓɓiiɗo kam. Ndeen o jaabii, o wi'i: — Yahu, suka am.