Fillitagol 24:17 - Dewtere Laamɗo Fulfulde Burkina Faso

¹⁷ Taa oonyon sariya de ɗalon janano naa atiime goonga, wooɗi du taa njaɓon kaddungal debbo mo gorum maayi saabe tolma hakkunde mooɗon.

Fillitagol 24:17 ပူးပေါင်းရင်းမြစ်များ

Ayuuba 22:6

A doolɗii banndiraaɓe maa njoɓe ko nyalmaaki, a teetii kolte koluɗo.

Ayuuba 24:3

Iɓe ndiiwa araaji atiime'en, iɓe teeta ngaari maayraaɗo gorum faa yoɓa ko nyalminoo.

Wurtagol 22:20

Taa ngaɗaa beero ko boni, taa torraa ɗum. Ngam onon du, on laatakeno weerɓe ley leydi Misira.

Wurtagol 23:2

Taa njokkaa gaɗa jamaa faa ngaɗon ko boni. Si on njehii laamorde faa ceedowoɗon, taa keedanaa yimɓe suuɗooɓe goonga.

Wurtagol 23:6

Taa oonyaa sariya saabe careteeɗo wo talka.

Wurtagol 23:9

Taa torraa beero sabo oɗon anndi saɗɗaaji yaade njanandi. Onon du on laatakeno weerɓe ley leydi Misira.

Banndi 31:5

Sabo si ɓe njarii, ɓe njeggitan jamirooje, ɓe miilataako ɓillaaɓe.

Tindinoowo 5:8

Nafaa leydi na woodani yimɓe fuu. Fay kaananke wo e ndemri wuuri.

Lewinkooɓe 19:33

Si janano warii jooɗake ley leydi mooɗon fu, taa torron ɗum.

Luuka 3:14

Sordaasiiɓe du ƴami mo kam'en du, mbi'i: — Minen le, ɗume min njeyi waɗude? O wi'i ɓe: — Taa njanee fay gooto, taa pewanon fay gooto, kennyitoroɗon njobdi mon.

Fillitagol 1:17

Taa wooda mo njinnganton ley sariya. Kettindanoɗon lokkaajo e jom semmbe fuu. Taa kulon fay gooto sabo wo Joomiraaɗo jeyi sariya. Si woodii ko tiiɗi on fu, ngaddon haala kaan yeeso am faa mi hettindoo.

Fillitagol 16:19

Taa oonyaa goonga, taa wooda mo njinngantaa ley sariya. Taa njaɓaa njeenaari to careteeɗo sabo njeenaari na wumna saahiiɓe, na ɗala dartiiɓe goonga.

Fillitagol 24:13

Kokkitaa ɗum huunde ndeen wakkati caamal naange faa nde fukkowi na suddii saayo muuɗum fu, ŋaaroo mbarkineɗaa de laatoo a waɗii ko dartii yeeso Joomiraaɗo, Laamɗo maaɗa.

Fillitagol 24:18

Miccitoɗon on laatakeno maccuɓe leydi Misira de Joomiraaɗo, Laamɗo mooɗon rimɗini on. Wo saabe ɗuum de miɗo yamira on ngaɗon noon.

Fillitagol 24:6

Taa njaɓon kaaƴe niisirɗe, mawnde e famarde to goɗɗo saabe tolma, ɗuum wo hooƴude nguurndam joomum jaati.

Fillitagol 27:19

Kuddi woodana oonyuɗo sariya faa ɗala janano naa atiime naa debbo mo gorum maayi goonga. Ndeen yimɓe fuu njaaboo mbi'a: «Aamiina.» —

Yaakuuba 2:6

De onon kaa, on kuyfinii talkaaɓe ɓeen. Wanaa joomiraaɓe jawdi ɓeen torrata on naa? Wanaa kam'en njaarata on yeeso sariya naa?