Fillitagol 21:22 - Dewtere Laamɗo Fulfulde Burkina Faso

²² Si neɗɗo waɗii hakke gaddanoowo ɗum wareede de mbaruɗon ɗum, ɓiluɗon ɓanndum dow leggal fu,

Fillitagol 21:22 ပူးပေါင်းရင်းမြစ်များ

Fuɗɗoode 40:19

Ley balɗe tati Fira'awna senndan hoore maa e daande maa. O jorfete e lekki de pooli coppa teewu maaɗa.

2 Samuwiila 21:10

Rispa, inna ɗiɗo maɓɓe oon, o hooƴi bootooru, o weƴƴiti ndu dow tefaare ɗoon. O jooɗii ɗoon illa fuɗɗoode tayri ndiin (lewru Awiril) faa ƴuwoonde wari toɓi dow ɓalli ɗiin. Nyalooma fuu o haɗa pooli jippaade e majji. Jemma du fuu imo riiwa kulle ladde.

2 Samuwiila 21:6

Ndelle hokku min worɓe njeɗɗo ley ƴuwdi makko faa min mbara ɓe yeeso Joomiraaɗo faa Gibeya, ngalluure Sawulu, cuɓaaɗo Joomiraaɗo. Daawda wi'i: — Mi hokkan on ɓe.

2 Samuwiila 21:9

Wo kamɓe kaananke watti e ley juuɗe Gibiyonkooɓe. Ɓeen mbari ɓe (de ɗisi ɓalli maɓɓe) dow waamnde Joomiraaɗo seniinde toon. Ɓe njeɗɗo fuu ɓe maaydi nyalaande wootere. Wo ɗum wakkati mo tayri gese (nannduɗe e alkama) fuɗɗata.

2 Samuwiila 4:12

Ndelle Daawda yamiri jokolɓe mum mbara ɓe. Jokolɓe ɓeen taƴi newe juuɗe maɓɓe e njaaɓirdi koyɗe maɓɓe de ɓili ɓe ɗakkol weendu Heberon. Ɓe kooƴi hoore Isboset du, de ɓe uwi nde ley saabeere Abineer ley Heberon.

Limle 25:4

Joomiraaɗo wi'i Muusaa: — Njorfa ɓoggi e daaɗe hooreeɓe cuuɗi Israa'iila'en fuu yeeso am iɓe kucciti e naange faa tikkere am ndeen tottitoo Israa'iila.

Matta 26:66

Ɗume miiliɗon? Ɓe njaabii, ɓe mbi'i: — Imo haani wareede.

Marka 14:64

On narrii noppi mooɗon ko o mbonkii Laamɗo ɗuum. Ɗume miiliɗon? Ɓe fuu ɓe mbi'i imo haani wareede.

Luuka 23:33

Nde ɓe njottinoo nokkuure wi'eteende Laalagal Hoore ndeen, ɓe tonti mo e leggal palaangal, kanko e bonɓe ɗiɗo ɓeen, gooto gere nyaamo makko, gooto du gere nano makko.

Golle Nelaaɓe 23:29

Tawumi wo dow sariya maɓɓe tan ɓe peldi mo, de ɗum wanaa huunde waawunde warude mo naa uddude mo.

Golle Nelaaɓe 25:11

Si mi waɗii ko boni, ko foti warude kam fu, mi salataako wareede. Ammaa si fay huunde e ko ɓe peldi kam ɗuum wanaa goonga fu, fay gooto waawaa wattude kam e juuɗe maɓɓe. Sariya am faltake ɗo. Wo kaananke Roma mawɗo oon, kam sarotoo kam.

Golle Nelaaɓe 25:25

De miin e hoore am kaa, mi tawii o waɗaay fay huunde ko haani warude mo. Ammaa kanko e hoore makko, o nyaagake sariya makko yaaree faa to kaananke Roma mawɗo oon. Ndelle mi anniyake neldude mo toon.

Golle Nelaaɓe 26:31

Nde ɓe njaltunoo suudu nduun ndeen, iɓe mbi'undura: — Gorko o waɗaay ko foti warude ɗum naa haɓɓude ɗum callali.

Fillitagol 19:6

Taa joɓtantooɗo baraaɗo oon riiwa o, hewtoo o saabe mboɗɗirka laawol de wara o ley tikkere muuɗum. Taa o waree sabo nganyaandi walaano hakkunde maɓɓe.

Fillitagol 22:26

Surbaajo oon kaa, taa ngaɗon ɗum faa'e sabo waɗaay hakke kewtuɗo warude ɗum. Iɗum nanndi e gorko ummaniiɗo sakiike muuɗum faa wara ɗum.

Yoosuwa 10:26

Caggal ɗuum, Yoosuwa wari ɓe, ɓili ɓalli maɓɓe dow leɗɗe joy. Toon ɗi keddii faa kiiral naange.

Yoosuwa 10:27

Nde naange hiirunoo fu, Yoosuwa yamiri ɓalli maɓɓe njippinee dow leɗɗe ɗeen. Ɓe paɗɗi ɗi nder loho to ɓeen cuuɗinoo toon, de ɓe uddi kaaƴe mawɗe e hunnduko loho koon. Toon ɗe keddii faa warde hannden.

Yoosuwa 8:29

O haɓɓi daande kaananke Ayi, o ɓili ɗum dow lekki faa kiiral naange. Nde naange hiirunoo fu, Yoosuwa yamiri ɓe njippina ɓanndu makko. Ɓe paɗɗi ndu faa to dammbugal huɓeere ndeen, ɓe ndeki dow mayru joorde kaaƴe mawnde. Joorde kaaƴe ndeen ina heddii faa warde hannden.

1 Samuwiila 26:16

Ko ngaɗuɗaa ɗuum wooɗaa. Mi hunorake Joomiraaɗo buurɗo, oɗon njeyi wareede sabo on ndoomaay joom mooɗon, cuɓaaɗo Joomiraaɗo. Ndaar jonle toy labbo kaananke woni, de toy njollooru ndiyam wonnoondu ɗakkol hoore makko nduun woni.