Fillitagol 21:21 - Dewtere Laamɗo Fulfulde Burkina Faso

²¹ Ndeen worɓe galluure ndeen fuu kawrita paɗɗa mo kaaƴe faa o maaya. Noon ittirton ko boni hakkunde mooɗon. Israa'iila'en fuu nanan kabaaru oon de kula.

Fillitagol 21:21 ပူးပေါင်းရင်းမြစ်များ

2 Samuwiila 18:17

Ɓe kooƴi ɓanndu Absalom, ɓe paɗɗi ndu ley ngayka mawka ley cukkuri toon, de ɓe teli kaaƴe dow makko faa toowi sanne. Ndeen Israa'iila'en mono fuu doggiri wuro muuɗum.

Wurtagol 21:17

Kuɗuɗo baaba muuɗum naa inna muuɗum fuu, tilay waree.

Banndi 30:17

Jawuɗo baaba mum e inna mum, salii ɗowtanaade ɓe, daawle coppan yitere mum, jigaaje nyaaman nde.

Lewinkooɓe 20:2

Kaaldaa e Israa'iila'en mbi'aa ɗum'en: Israa'iilanke maa janano jooɗiiɗo leydi Israa'iila kooƴuɗo ɓiyum sakkani tooru Molek fuu wo bareteeɗo. Yimɓe leydi ndiin paɗɗa joomum kaaƴe faa maaya.

Lewinkooɓe 20:27

Si debbo maa gorko laatake gollidoowo e beeli maayɓe maa daggadaajo fu, wo bardeteeɗo kaaƴe. Ƴiiƴam joomum saama dow hoore muuɗum.

Lewinkooɓe 24:14

Mburtinaa mbonkiiɗo kam oon ley hoɗorde ndeen. Nanuɓe mbonka makko ɓeen fuu ndeka juuɗe muɓɓen dow hoore makko de jamaare ndeen fuu hawrita faɗɗa o kaaƴe.

Lewinkooɓe 24:16

Mbonkiiɗo innde Joomiraaɗo fuu wo bareteeɗo. Jamaare Israa'iila fuu hawrita faɗɗa joomum kaaƴe. Ko joomum laatii fuu, nde wo janano nde wo Israa'iilanke dimo fuu sey waree saabe mbonkake innde Laamɗo.

Limle 15:25

Almaami waɗana kawrital Israa'iila fuu iidi sadakaaji mooytoowo hakke de hakke maɓɓe oon yaafee, sabo wo ɗum hakke mo ɓe kensaaki wooɗi du, ɓe ngaddii dokkal, sadaka yaafeede hakke maɓɓe oon.

Limle 15:35

Ndeen Joomiraaɗo haaldi e Muusaa wi'i: — Gorko oo, wo bareteeɗo! Yimɓe fuu kawrita paɗɗa mo kaaƴe faa o maaya yaasin hoɗorde ndeen.

Limle 15:36

Yimɓe fuu kawriti njaari mo yaasin hoɗorde de paɗɗi mo kaaƴe faa o maayi hono no Joomiraaɗo yamiri noon.

Fillitagol 13:12

Israa'iila fuu nanan kabaaru makko de kulol nannga ɗum de cela waɗude ko boni iri ɗuum hakkunde mooɗon.

Fillitagol 13:5

Ndewon Joomiraaɗo, Laamɗo mooɗon de kulon ɗum. Kettindoɗon jamirooje muuɗum de ɗowtanoɗon konngol muuɗum. Wo oon ndewoton de kaɓɓondiron e muuɗum.

Fillitagol 13:6

Annabaajo naa piirtoowo koyɗi oon kaa, sey waree saabe ekintinii on muurtande Joomiraaɗo, Laamɗo mooɗon, burtinɗo on leydi Misira ley suudu maccungaaku de rimɗini on. O muuyii celon laawol ngol Joomiraaɗo, Laamɗo mooɗon yamiri ndewon ngool. Ndelle sey itton ko boni ɗuum hakkunde mooɗon.

Fillitagol 17:5

Caggal ɗuum njaaron joomum dammbugal galluure ndeen de paɗɗon ɗum kaaƴe faa maaya.

Fillitagol 17:7

Seediiɓe o waɗii ko boni ɓeen artotoo paɗɗa joomum kaaƴe faa mbara ɗum de yimɓe fuu ndewta. Noon ittirton ko boni hakkunde mooɗon.

Fillitagol 21:20

Ɓe mbi'a mawɓe ɓeen: — Inan ɓii amin gorko yoora hooreejo, muurtoowo. O hettindantaako min. O laaliiɗo, culotooɗo.

Fillitagol 22:21

sey o wurtinee o darnee dammbugal ɓaade baabiiko de yimɓe galluure ndeen ngara paɗɗa mo kaaƴe faa o maaya sabo o waɗii ko boni ley Israa'iila. O waɗii woykuraaku ley ɓaade baabiiko. Noon ittirton ko boni hakkunde mooɗon.

Fillitagol 22:24

sey suka debbo oon e gorko oon fuu mburtinee ndarnee dammbugal galluure ndeen de paɗɗee kaaƴe faa maaya, surbaajo oon kaa, saabe halɓaay ley galluure ndeen wakkati majjum, gorko oon du, saabe semtinii dee sakiike muuɗum. Noon ittirton ko boni hakkunde mooɗon.