Fillitagol 20:19 - Dewtere Laamɗo Fulfulde Burkina Faso

¹⁹ Si ɓooyii oɗon piilnii galluure faa kippoɗon ɗum fu, taa kalkiron leɗɗe mayre jammbere. Nyaamon ɓiɓɓe majje ammaa taa coppon ɗe. Yalla leɗɗe gese ɗeen wo tagaaɓe sakko kippoɗon ɗe naa?

Fillitagol 20:19 ပူးပေါင်းရင်းမြစ်များ

2 Kaanankooɓe 3:19

On kalkan galluuje maɓɓe cemmbiɗinɗe e ɓurɗe teddude fuu. Coppon leɗɗe leydi maɓɓe dimooje, cukkon ilduɗe ndiyam maɓɓe fuu de kalkiron gese maɓɓe fuu kaaƴe ɗuuɗɗe.

2 Kaanankooɓe 3:25

Ɓe kalki galluuje ɗeen. Mono e maɓɓe fuu e hayre muuɗum, iɓe paɗɗa faa ɓe kebbini gese ɗeen fuu kaaƴe. Ɓe cukki ilduɗe ndiyam ɗeen fuu de ɓe coppi leɗɗe dimooje fuu. Galluure Kir-Hareset tan heddinoo halkaaka. Ammaa kayre du, ɓe piilii nde iɓe piwlo iɓe paɗɗa nde kaaƴe.

Matta 21:19

O haynii ƴibbi e sera laawol, o fanti ki. Ammaa o tawraay ki faa'e si wanaa haako. Wakkati oon, o wi'i ki: — Taa a rimu abada katin! Wakkati oon pay, ƴibbi kiin yoori koloŋ.

Matta 3:10

Joonin, jammbere ƴeptaama faa soppa ɗaɗi leɗɗe. Ndelle, lekki fuu ki rimataa ɓiɓɓe lobbuɓe, soppete, faɗɗee ley yiite.

Fillitagol 20:18

Noon waɗata taa ɓe ekintina on waɗude ko harmi ko ɓe ngaɗanta allaaji maɓɓe ɗiin de ngaɗon hakke yeeso Joomiraaɗo, Laamɗo mooɗon.

Fillitagol 20:20

Ammaa leɗɗe ɗe annduɗon ɓiɓɓe muɓɓen nyaamataake fuu nawtoroɗon ɗum'en faa ƴeenyiron kokuuji galluure nde kaɓdoton ndeen faa nde saama.

Fillitagol 26:6

Ammaa Misirankooɓe torrii min. Ɓe kollii min semmbe, ɓe ngattii min e maccungaaku.