Fillitagol 20:16 - Dewtere Laamɗo Fulfulde Burkina Faso

¹⁶ Ammaa galluuje gonɗe ley leydi ndi Joomiraaɗo, Laamɗo mooɗon hokkata on laatoo ndonngu mooɗon ɗeen kaa, taa accidon fay gooto e yonki.

Fillitagol 20:16 ပူးပေါင်းရင်းမြစ်များ

Limle 21:35

Israa'iila'en tappi mo kanko e ɓiɓɓe makko e yimɓe makko fuu, poofoowo fay gooto heddaaki de ɓe njeyti leydi makko.

Limle 31:17

Ndelle joonin, sey mbaron sukaaɓe worɓe, e rewɓe ɓaŋanooɓe fuu.

Limle 33:52

ndiiwon ɓe tawuɗon toon fuu. Kalkon tooruuji maɓɓe gaɗiraaɗi kaaƴe e jamnɗe, wooɗi du kalkon nokkuuje cakkirɗe majji fuu.

Fillitagol 20:15

Noon ngatton galluuje boɗɗuɗe on sanne ɗeen. Ɗum woni galluuje ɗe njeyaaka e leyɗe lenyi ɗiin.

Fillitagol 20:17

Kalkon Hittiyankooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, piɗɗon ɓe fodde no Joomiraaɗo, Laamɗo mooɗon yamiri on noon.

Fillitagol 24:4

gorko artinooɗo ɓaŋi o de seeri o oon waawaa adude o waɗa deekum katin gaɗa ko o tuuninaa ɗuum. Ɗuum wo ko nyiddinii yeeso Joomiraaɗo. Taa paɗɗon leydi ndi Joomiraaɗo, Laamɗo mooɗon hokkata on laatoo ndongu mon ndiin ley hakke.

Fillitagol 31:5

Joomiraaɗo wattan ɓe e juuɗe mooɗon de ngaɗon ɓe ko njamirmi on ɗuum fuu.

Fillitagol 4:21

Joomiraaɗo tikkanii kam saabe mooɗon de hunii wi'i mi faltataako Urdun mi naata leydi lobbiri ndi kam Joomiraaɗo, Laamɗo mooɗon hokkata on laatoo ndongu mooɗon ndiin.

Fillitagol 7:16

Kalkon lenyi ɗi Joomiraaɗo, Laamɗo mooɗon watti e juuɗe mon ɗiin fuu. Taa njurmoɗon ɓe, taa ɗowtanoɗon allaaji maɓɓe sabo ɗuum laatanto on tuugol.

Yoosuwa 10:20

Yoosuwa e yimɓe Israa'iila mbari keewal maɓɓe, ammaa woɓɓe maɓɓe keɓi ndaɗi, njeccii ley kuɓeeje muɓɓen cemmbiɗinɗe, piiltinaaɗe kokuuji.

Yoosuwa 10:28

Nyalaande majjum Yoosuwa jaalii huɓeere Makeda. O wari kaananke mayre e yimɓe wonɓe ley mayre fuu, walaa mo o accidi e yonki. O waɗi kaananke Makeda hono no o waɗiri kaananke Yeriko.

Yoosuwa 10:40

Ndelle, Yoosuwa jaalii leydi ndiin fuu. O jaalii gure gonɗe dow baamle e gonɗe horɗoore, e ley baamle e nder naɗɗi fuu, kanje e kaanankooɓe majje. O accidaay fay gooto e yonki. O halki ko foofata fuu, hono no Joomiraaɗo, Laamɗo Israa'iila yamirnoo mo noon.

Yoosuwa 11:14

Yimɓe Israa'iila kooƴani ko'e muɓɓen daabaaji e sii jawdi keddiindi fuu, ammaa ɓe mbari yimɓe jooɗiiɓe ley kuɓeeje ɗeen fuu, ɓe kalki ɗum'en.

Yoosuwa 6:24

Caggal majjum ɓe mbuli huɓeere ndeen e ko woni nder mayre fuu. Ammaa ɓe ndesi cardi e kaŋŋe e kujje ngaɗiraaɗe njamndi ɓaleeri e mboɗeeri nder ko resaa ley suudu Joomiraaɗo.

Yoosuwa 8:25

Worɓe e rewɓe waraaɓe nyannde majjum wo yimɓe 12.000, ɗum woni limgal yimɓe Ayi fuu.

Yoosuwa 8:8

Wakkati njaaliɗon huɓeere ndeen fu, kuɓɓon yiite, mbulon nde. Ngaɗee ko Joomiraaɗo yamiri on ɗuum. Ɗuum woni ko njamirmi on.

Yoosuwa 9:24

Ɓe njaabii Yoosuwa, ɓe mbi'i: — Inan ko saabii min ngaɗiri noon: Si goonga min nanii Joomiraaɗo, Laamɗo maa yamirii maccuɗo muuɗum Muusaa hokka on leydi ndi fuu, halka jooɗiiɓe ley mayri fuu yeeso mooɗon. Wooɗi min kuliino on sanne, min kulaniino yonkiiji amin du. Ɗum saabii de min ngaɗiri noon.

Yoosuwa 9:27

Nyannde majjum Yoosuwa waɗi ɓe soppooɓe leɗɗe e ƴooganooɓe jamaa oon fuu ndiyam, kam'en e hirsirde Joomiraaɗo ndeen fuu, ley nokku to Joomiraaɗo suɓii faa Israa'iila'en ngona fuu. Ɗuum laatii golle maɓɓe faa warde hannden.

Yoosuwa 9:7

Ammaa Israa'iila'en mbi'i ɓe: — Noy min kaɓɓidirta e mooɗon amaana sabo na waawi tawee e leydi amin ndi ngonɗon.

1 Samuwiila 15:3

Jonkaa yahu, fiyu Amalek'en, kalkaa ko ɓe njogii fuu. Taa accu fay huunde, mbaraa gorko e debbo, suka ƴaakoy e keccoy, nagge e mbaalu, ngeelooba e araawa.»