Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Fillitagol 20:1 - Dewtere Laamɗo Fulfulde Burkina Faso

1 Nde njahoyɗon faa kaɓdon e wayɓe mon de njiiɗon pucci ɗuuɗɗi e torkooji ɗuuɗɗi e ori sordaasiiɓe ɓurɓe on fu, taa kulon sabo Joomiraaɗo, Laamɗo mooɗon burtinɗo on leydi Misira oon na wondi e mooɗon.

အခန်းကိုကြည့်ပါ။ ကော်ပီ




Fillitagol 20:1
45 ပူးပေါင်းရင်းမြစ်များ  

Keddoɗaa ley leydi ndi ɗo. Mi wondan e maaɗa, mi barkinte. Sabo wo aan e ƴuwdi maa kokkammi leydi ndii fuu. Mi hiɓɓinan hunayeere nde kunaniimi bammaa Ibrahiima ndeen.


— Miin woni Joomiraaɗo, Laamɗo maaɗa, wo miin wurtini ma leydi Misira ley suudu maccungaaku.


Nde njooɗoyiɗon ley leydi mooɗon de oɗon njaha konu faa kabdon e wayɓe mooɗon torrooɓe on fu, puufon luwe ɗeen puufaali konu. Noon miccintinirton Joomiraaɗo, Laamɗo mooɗon de ndeenoɗon e juuɗe wayɓe on.


O yi'aay fuu ko boni e Yaakuuba, O taykaaki feloore e Israa'iila. Joomiraaɗo, Laamɗo makko na wondi e makko. Wo to makko duko kelle laamu nanetee.


Caggal ɗuum fuu, ɗume mbi'eten? Si Laamɗo ina wondi e meeɗen, moy waawani en?


Ndeen mbi'imi on: — Taa kulee ɓe, taa nesiiji mon taƴa.


Sabo Joomiraaɗo, Laamɗo mooɗon barkinii golle mon fuu. O haybanii yaadu mooɗon ley ladde mawnde yoornde ndee. Duuɓi 40 hikka woni ko Joomiraaɗo, Laamɗo mooɗon wondi e mooɗon. Faa'e nyakaay on.


Wakkati cegiliɗon faa puɗɗon wolde ndeen, almaami ɓattoo haalda e sordaasiiɓe ɓeen,


wi'a ɓe: — Kettindee, onon yimɓe Israa'iila. Hannden on kawran e wayɓe mon ley wolde. Taa ɓerɗe mon ndiwna. Taa kulon ɓe, taa nesi mon taƴa yeeso maɓɓe.


Laatee yimɓe semmbiɗinɓe suusuɓe. Taa kulee, taa accee ɓe kulɓina on. Joomiraaɗo, Laamɗo mooɗon kam e hoorem na wondi e mooɗon. Abada o yoppataa on, o tottitataako on.


Joomiraaɗo e hoorem na ardii ma. Kam e hoorem wondan e maaɗa. O yoppataa ma o tottitataako ma. Ndelle taa hulu, taa ɓernde maaɗa diwna.


Joomiraaɗo, Laamɗo mooɗon nannan on leydi ndi kuccuɗon faa laatoo ndongu mooɗon ndiin. Nde ɓattowiɗon ndi fu, o riiwan lenyi keewɗi yeeso mooɗon, ɗum woni Hittiyankooɓe e Girgasinkooɓe e Amorinkooɓe e Kanaaninkooɓe e Perisinkooɓe e Hewinkooɓe e Yebusinkooɓe, lenyi jeɗɗi ɓurɗi on ɗuuɗude e semmbe ɗiin.


Taa kulon ɓe. Miccitee ko Joomiraaɗo, Laamɗo mooɗon waɗi Fira'awna e leydi Misira fuu.


Taa ɓerɗe mon ndiwna saabe maɓɓe, sabo Joomiraaɗo, Laamɗo mon gonɗo hakkunde mooɗon oon, wo Laamɗo mawɗo, kulɓiniiɗo.


Ndelle paamon hannden, Joomiraaɗo, Laamɗo mooɗon na ardii on hono yiite nyaamoowe. Wo kam halkata ɓe, leeƴina ɓe yeeso mooɗon. On teetan leydi maɓɓe de kalkon ɓe law fodde no Joomiraaɗo wi'iri on noon.


Haddu nguurndam maa fuu walaa darotooɗo yeeso maa. Mi wondan e maaɗa hono no ngondirnoomi e Muusaa ni. Mi woɗɗataako ma, mi yoppataa ma feere maa.


Wanaa miin yamiri ma cemmbinɗinaa hoore maa, cemmbinɗinaa ɓernde maa du naa? Taa accu kulol nannge, sabo miin Joomiraaɗo, Laamɗo maaɗa miɗo wondi e maaɗa nokku fuu to njahataa.


Yoosuwa waɗi ɓe hono no Joomiraaɗo wiirunoo ɗum noon: O taƴi codduli pucci maɓɓe de o wuli torkooji maɓɓe du.


Maleyka Joomiraaɗo ɓangani mo, wi'i: — Hey konunkeejo jom semmbe! Joomiraaɗo ina wondi e maaɗa.


Maleyka Joomiraaɗo wi'i mo: — De mi wondan e maaɗa. A jaaloto Madiyankooɓe ɓeen hono wo ɓe neɗɗo gooto tan.


Daawda wi'i Sawulu: — Taa fay gooto nesim taƴana Filistiyankeejo oon. Miin maccuɗo maaɗa mi yahan mi haɓowa e makko.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ