Fillitagol 2:8 - Dewtere Laamɗo Fulfulde Burkina Faso

⁸ Ndeen njoppuɗen laawol peccitoowol hakkunde sakiraaɓe meeɗen ɓiɓɓe Isuwa jooɗiiɓe leydi Seyir ɓeen. Ɗum woni laawol njaayri Araba ƴuuroowol Eylat e Esiyon-Geber. Njecciɗen ndewuɗen ladde Mo'ab yoornde.

Fillitagol 2:8 ပူးပေါင်းရင်းမြစ်များ

Fuɗɗoode 25:23

Joomiraaɗo jaabii mo, wi'i: Lenyi ɗiɗi ngoni ley reedu maaɗa, laamuuji ɗiɗi ɗi kawtaa njaltan e maaɗa. Lenyol gootol laatoto ɓurngol semmbe. Mawniiwo oon gollanan minyum.

1 Kaanankooɓe 9:26

Kaananke Suleymaana waɗi laanaaji ndiyam na ngoni wuro Esiyon-Geber, ɗakkol huɓeere Elot, daande maayo Maaliya, leydi Edom.

2 Kaanankooɓe 14:22

Wo Ajariya oon yeccini galluure Eylat e jeyal Yahuuda de nyiɓitii nde caggal maayde bammum.

2 Kaanankooɓe 16:6

Tawi wakkati oon Resin kaananke Siiriya teetiino galluure Eylat. O riiwi Yahuudiyankooɓe jooɗinooɓe ɗoon de Edominkooɓe naati nde njooɗii faa warde hannden.

Limle 21:4

Israa'iila'en ndilli waamnde Hor. Ɓe kooƴi laawol maayo Maaliya faa ɓe piiloo leydi Edom. Ammaa ley jahaangal maɓɓe tampiriwal ngaal ɓe kunngii munyal.

Limle 33:35

Ɓe eggi Abrona, ɓe koɗowi Esiyon-Geber.

Fillitagol 1:1

Inan haalaaji ɗi Muusaa haaldi e jamaare Israa'iila'en nde ngonnoo lettugal Urdun ley ladde yoornde, nder njaayri Araba yeeso Suuf, hakkunde Paran e Tofel e Laban e Hajerot e Di-Jahab.

Ardiiɓe 11:18

Caggal ɗuum, ɓe ƴuuri nder ladde, ɓe piilii caggal leydi Edom e leydi Mo'ab. Ɓe ndewi lettugal leydi Mo'ab, ɓe koɗi gere ooto gooruwol Arnon. Ɓe naataay nder leydi Mo'ab, sabo gooruwol Arnon woni keerol Mo'ab.