Fillitagol 2:7 - Dewtere Laamɗo Fulfulde Burkina Faso

⁷ Sabo Joomiraaɗo, Laamɗo mooɗon barkinii golle mon fuu. O haybanii yaadu mooɗon ley ladde mawnde yoornde ndee. Duuɓi 40 hikka woni ko Joomiraaɗo, Laamɗo mooɗon wondi e mooɗon. Faa'e nyakaay on.

Fillitagol 2:7 ပူးပေါင်းရင်းမြစ်များ

Fuɗɗoode 12:2

Mi waɗete lenyol manngol, mi barkinte, mi mawninan innde maa. Yimɓe fuu keɓan barke saabe maaɗa.

Fuɗɗoode 24:35

Joomiraaɗo barkinii joomam Ibrahiima oon sanne faa laatii jom jawdi, hokkii mo na'i e be'i e baali e cardi e kaŋŋe e maccuɓe e horɓe e geelooɗi e araaji.

Fuɗɗoode 26:12

Ley hitaande ndeen Isiyaaka aawi e leydi ndiin, de Joomiraaɗo barkini mo, ko o heɓi ɗuum ɓuri ko o aawi ɗuum kile 100.

Fuɗɗoode 30:27

Laban wi'i mo: — Si aɗa yardii fu, keddoɗaa ɗo am ɗoo. Mi yi'ii e tiimgal, Joomiraaɗo barkinii kam saabe maa.

Fuɗɗoode 39:3

Oon taykii, yi'i Joomiraaɗo ina wondi e makko. Ko wattaa e junngo makko fuu, Joomiraaɗo ina barkina ɗum.

Fuɗɗoode 39:5

Nde Yuusufi waɗanoo kayboowo jawdi ndiin fu, Joomiraaɗo barkini ɓaade Misiranke oon saabe muuɗum. Barke oon heddii dow jawdi makko, dow wuro makko e gese makko fuu.

Nehemiya 9:21

Duuɓi 40 ley ladde yoornde aɗa wondi e maɓɓe, walaa ko jacci ɓe, kaddule maɓɓe kalkaay, koyɗe maɓɓe du ɓuutaay.

Ayuuba 23:10

Ammaa imo anndi laawol ngol njokkumi. Si o ndaartindake kam fu, mi wurtinte mi laaɓuɗo hono kaŋŋe.

Wurtagol 16:35

Yimɓe Israa'iila nyaami manna oon faa waɗi duuɓi 40. Ɓe nyaami ɗum gilla e ladde yoornde faa naatugol maɓɓe leydi Kanaana ɗo gure puɗɗi.

Amos 2:10

Miin, mi wurtinii on leydi Misira, ardoriimi on duuɓi 40 ley ladde yoornde, faa ngaɗumi njeytuɗon leydi Amorinkooɓe ndiin.

Limle 1:1

Hitaande ɗiɗaɓerde wurtagol Israa'iila'en leydi Misira, nyannde go'o lewru ɗiɗaɓurdu, Joomiraaɗo haaldi e Muusaa nder ladde Sinayi yoornde ley Hukum Ceniiɗo wi'i ɗum: —

Limle 14:33

Ɓiɓɓe mooɗon du laatoto hono durooɓe, njiiltoto ley ladde ndee faa waɗa duuɓi 40. Ɓe njaran torra jammbu mooɗon faa nde ɓanndu cakitiiɗo e mooɗon saami ley ladde ɗo.

Limle 14:34

Wo balɗe 40 yimɓe mooɗon koriri leydi ndiin, hono noon ngaɗirton duuɓi 40 ley ladde ndee, faa hitaande fuu loomta nyalaande wootere. On njaran torra rafi hoolaare mooɗon, faa paamon no laataade am ganyo mooɗon naawiri.

Limle 22:12

Laamɗo wi'i Balaama: — Taa njaada e maɓɓe, wooɗi du, taa kuɗaa yimɓe ɓeen, sabo wo ɓe barkinaaɓe.

Limle 32:13

Noon Joomiraaɗo tikkirani Israa'iila'en ɓeen de waɗi iɓe njiiloo ley ladde yoornde faa waɗi duuɓi 40 faa tikkinnooɓe ɗum ɓeen fuu maayi.

Luuka 22:35

O wi'i ɓe katin: — Nde nulunoomi on ndeen, on kooƴaay dannga e mbasu e paɗe, won ko nyakani on naa? Ɓe mbi'i: — Walaa!

Yuhanna 10:27

Baali am ina kettindoo daande am. Miɗo anndi ɗi, iɗi njokka kam.

Fillitagol 1:19

Caggal ɗuum, ndilluɗen Sinayi, peccitinɗen ladde yoornde mawnde hulɓiniinde nde njiiɗon ndeen. Aduɗen laawol baamle Amorinkooɓe fodde no Joomiraaɗo, Laamɗo meeɗen yamirnoo en faa njottiɗen Kades-Barneya.

Fillitagol 1:46

Saabe majjum de keddiɗon Kades faa ɓooyi.

Fillitagol 2:14

Njahaɗen yaadu duuɓi 38 hakkunde Kades-Barneya e naɗɗol Jered. Ley duuɓi ɗiin, jamaanu worɓe hewtunooɓe yaade konu fuu maayi fodde no Joomiraaɗo hunorinoo noon.

Fillitagol 2:6

Ko nyaamoton e ko njaroton fuu sey coodiron ɗum ceede to maɓɓe.

Fillitagol 29:4

Mi ardorake on duuɓi 40 ley ladde yoornde, ammaa kaddule mon ceekaaki, paɗe mon kantaaki.

Fillitagol 29:5

On nyaamaay buuru, on njaraay inaboojam naa njaram feere lamminaaɗam faa paamon wo kanko woni Joomiraaɗo, Laamɗo mooɗon.

Yoosuwa 5:6

Wooɗi yimɓe Israa'iila ngaɗiino duuɓi 40 ina njaha ley ladde. Wakkati majjum ɓe keɓaay taadude ɓiɓɓe maɓɓe worɓe. Waawɓe konu wurtiiɓe Misira ɓeen du fuu maayii nder ladde saabe ko ɓe ɗowtanaaki Joomiraaɗo ɗuum. Joomiraaɗo hunii, wi'i ɓe nji'ataa leydi ndi o hunaninoo maamiraaɓe maɓɓe o hokkan en, enen taaniraaɓe maɓɓe, ndi kosam e njuumndi heewi e muuɗum ndiin.