Fillitagol 2:29 - Dewtere Laamɗo Fulfulde Burkina Faso

²⁹ Wo noon ɓiɓɓe Isuwa jooɗiiɓe Seyir e Mo'abinkooɓe jooɗiiɓe Ar ngaɗani min. Accaa min paltoo faa min njottoo maayo Urdun, min naata leydi ndi Joomiraaɗo, Laamɗo amin hokkata min ndiin.

Fillitagol 2:29 ပူးပေါင်းရင်းမြစ်များ

Fuɗɗoode 19:37

Mawniiwo debbo oon rimi ɓiɗɗo gorko, inndiri ɗum Mo'ab (ɗum na fiirta «ƴuwdi baaba»). Oon woni baaba Mo'abinkooɓe faa warde hannden.

Wurtagol 20:12

Teddinaa baaba ma e inna ma faa balɗe maaɗa njuuta ley leydi ndi Joomiraaɗo, Laamɗo maaɗa hokkete ndiin.

Limle 20:18

Kaananke Edom jaabii ɓe wi'i: — On peccitataa leydi am. Si on ciini du, min kawridan e mooɗon kaafaaje.

Fillitagol 1:8

Ndaaron, mi hokkii on ndi. Njehee njeytowee ndi. Kayri woni ndi Joomiraaɗo huninoo hokkan maamiraaɓe mon Ibrahiima e Isiyaaka e Yaakuuba laatoo ndongu muɓɓen, kam'en e ƴuwdi muɓɓen fuu.

Fillitagol 2:9

Joomiraaɗo wi'i kam: — Taa toonyoɗon Mo'abinkooɓe, taa kaɓdon e maɓɓe sabo mi hokkataa on ngeɗu e leydi maɓɓe. Wo ɓiɓɓe Luudu kokkumi leydi Ar faa laatoo jeyal muɓɓen.

Fillitagol 23:5

Noon ɗum laatortoo sabo ɓe ngaddanaay on ndiyam e nyaamdu dow laawol wakkati mburtinoɗon leydi Misira ndeen, ammaa ɓe njoɓii Balaama ɓii Beyor mo Petor ƴuuri leydi Mesopotamiya faa wara huɗa on.

Fillitagol 25:15

Ko haani tawreɗon woni ponndirɗe e etirɗe kiɓɓuɗe potuɗe faa balɗe mon njuuta ley leydi ndi Joomiraaɗo, Laamɗo mooɗon hokkata on ndiin.

Fillitagol 4:1

Muusaa ɓeydi wi'i: Onon yimɓe Israa'iila, kettinee jamirooje e sariyaaji ɗi njannginanmi on. Ɗowtanoɗon ɗi faa mbuuron de njahon njeytowon leydi ndi Joomiraaɗo, Laamɗo maamiraaɓe mooɗon hokkata on ndiin.

Fillitagol 4:21

Joomiraaɗo tikkanii kam saabe mooɗon de hunii wi'i mi faltataako Urdun mi naata leydi lobbiri ndi kam Joomiraaɗo, Laamɗo mooɗon hokkata on laatoo ndongu mooɗon ndiin.

Fillitagol 4:40

Njogitoɗon sariyaaji makko e jamirooje makko fodde no ekitinirmi on hannden noon faa keɓon jam onon e ɓiɓɓe mooɗon de balɗe mon njuuta ley leydi ndi Joomiraaɗo, Laamɗo mooɗon hokkata on ndiin faa abada.

Fillitagol 5:16

Teddinaa baaba ma e inna ma hono no Joomiraaɗo, Laamɗo maaɗa yamiri ma noon faa balɗe maaɗa njuuta de keɓaa barke ley leydi ndi o hokkete ndiin.

Fillitagol 9:6

Ndelle paamon wanaa saabe dartaare mooɗon waɗi de Joomiraaɗo, Laamɗo mooɗon na hokka on leydi lobbiri ndiin faa laatoo ndongu mooɗon, sabo wo on lenyol cattungol.