Fillitagol 18:1 - Dewtere Laamɗo Fulfulde Burkina Faso

¹ Almaami'en Lewinkooɓe e ƴuwdi Lewi fuu ngalaa ndongu hakkunde Israa'iila'en. Nyaamdu maɓɓe wo ko sakkantee Joomiraaɗo, wo ɗuum woni ndongu maɓɓe.

Fillitagol 18:1 ပူးပေါင်းရင်းမြစ်များ

Limle 18:20

Joomiraaɗo wi'i Haaruuna: — A walaa ndongu e leydi maɓɓe wooɗi du a walaa ngeɗu hakkunde maɓɓe. Wo miin woni ngeɗu e ndongu maaɗa hakkunde ɓiɓɓe Israa'iila.

Limle 26:62

Lewinkooɓe worɓe limaaɓe gilla mo lewru wooturu fuu wo yimɓe ujunaaje noogay e tato (23.000). Ɓe limidaakano e Israa'iila'en sabo ɓe kawtaay e muɓɓen ndonngu.

Fillitagol 10:9

Wo saabe ɗuum de Lewinkooɓe ngalaa ndongu hakkunde sakiraaɓe muɓɓen Israa'iila'en. Wo Joomiraaɗo kam e hoorem woni ndongu maɓɓe fodde no wiirunoo o noon.

Fillitagol 12:19

Tinnoɗon taa njeeboɗon Lewinkooɓe ɓeen haddi nguurndam mooɗon ley leydi mon ndiin fuu.

Yoosuwa 13:14

Wooɗi lenyol Lewi woni lenyol ngol Muusaa hokkaayno ndongu nder leydi ndiin. Sabo Joomiraaɗo wi'iino Lewinkooɓe ɓeen keɓan ndongu muɓɓen e dammucce bulanteeɗe Joomiraaɗo, Laamɗo Israa'iila. Kanjum laatotoo ndongu maɓɓe.

Yoosuwa 13:33

Ammaa Muusaa hokkaay yimɓe lenyol Lewi kaa ndongu nder leydi ndiin. Joomiraaɗo, Laamɗo Israa'iila laatii ndongu maɓɓe hono no yamirnoo.

Yoosuwa 18:7

Lewinkooɓe kaa keɓataa ndongu nder leydi ndiin hakkunde mooɗon, sabo laataade almaami'en gollanooɓe Joomiraaɗo woni ndongu muɓɓen. Gad e Ruben e feccere lenyol Manasa kaa keɓiino ndongu muɓɓen lettugal Urdun. Wo Muusaa maccuɗo Joomiraaɗo, kam yeɗi ɓe.