Fillitagol 17:2 - Dewtere Laamɗo Fulfulde Burkina Faso

² Si woodii hakkunde mooɗon, ley wootere e galluuje mon ɗe Joomiraaɗo, Laamɗo mooɗon hokkata on ɗeen, gorko naa debbo gaɗuɗo ko boni yeeso Joomiraaɗo, bonnuɗo amaana Joomiraaɗo fu,

Fillitagol 17:2 ပူးပေါင်းရင်းမြစ်များ

2 Kaanankooɓe 18:12

Tiiɗorma oon fuu hewtake ɓe saabe ɓe kettindanaaki Joomiraaɗo, Laamɗo maɓɓe. Ɓe njeebake amaana e jamirooje muuɗum ɗe hokkunoo maccuɗo muuɗum Muusaa. Ɓe kettindanaaki mo, ɓe ngaɗaay ko o yamiri ɓe.

2 Kaanankooɓe 21:3

O nyiɓitii nokkuuje cakkirɗe ɗe baabiiko Hesekiya fusunoo. O waɗani tooru Ba'al cakkirɗe, tawti leggal tooru Asera, hono no Ahabi kaananke Israa'iila waɗirnoo noon. O sujidani annooraaji kammu, o teddini ɗum'en.

Ayuuba 31:28

Ay, ɗum fuu ɗum laatantono kam hakke mo jukkorteemi, sabo hollanno mi yeddii Laamɗo gonɗo dow kammuuli oon.

Wurtagol 22:19

Kirsanɗo alla feereejo fuu halkee. Wo Joomiraaɗo tan sakkantee.

Wurtagol 22:20

Taa ngaɗaa beero ko boni, taa torraa ɗum. Ngam onon du, on laatakeno weerɓe ley leydi Misira.

Lewinkooɓe 20:2

Kaaldaa e Israa'iila'en mbi'aa ɗum'en: Israa'iilanke maa janano jooɗiiɗo leydi Israa'iila kooƴuɗo ɓiyum sakkani tooru Molek fuu wo bareteeɗo. Yimɓe leydi ndiin paɗɗa joomum kaaƴe faa maaya.

Lewinkooɓe 26:15

on paɗɗii sariyaaji am, on njeddii ko mbiimi, on ngaɗaay ko jamirooje am ɗeen fuu mbi'i, on mbonnii amaana am oon fu,

Lewinkooɓe 26:25

Mi neldan on kaafaahi njomnitantooki amaana am oon. Nde kawritinɗon ley galluuje mooɗon fuu, mi neldan on nyawu mbonngu ndaaɓoowu, wooɗi du, mi wattan on e juuɗe wayɓe mon.

Fillitagol 17:5

Caggal ɗuum njaaron joomum dammbugal galluure ndeen de paɗɗon ɗum kaaƴe faa maaya.

Fillitagol 29:18

Taa fay gooto hakkunde mooɗon, caggal ko nanuɗon yamiroore ndee miila barkinaama de na mantoo na wi'a: «Mi heɓan jam fay si ndewumi sattere ɓernde am.» Si iri ɗuum waɗowii hakkunde mon fu, lobbuɓe e bonɓe fuu kalkete.

Fillitagol 29:25

Ɓe njehii ɓe ɗowtanowake allaaji goɗɗi, ɓe ndikkinake yeeso muɓɓen, allaaji ɗi ɓe anndaano wooɗi du, ɗi ɓe kokkaaka laatoo jeyal maɓɓe.

Fillitagol 31:20

Sabo mi nannan lenyol ngool leydi ndi kunaninoomi maamiraaɓe maɓɓe mi hokkan ɗum'en ndiin. Ɗum woni leydi ndi kosam e njuumndi ilata e muuɗum ndiin. Toon, ɓe nyaamoyta faa ɓe kaara, ɓe paya de ɓe tottitoo kam ɓe ndewa allaaji goɗɗi. Ɓe ɗowtanoo ɗum'en, ɓe kuyfina kam de ɓe mbonna amaana am oon.

Fillitagol 4:23

Ndeentee, taa njeggiton amaana mo Joomiraaɗo, Laamɗo mooɗon waddi e mooɗon de ngaɗanon ko'e mooɗon tooru gomma, natal nanndinaangal e ko Joomiraaɗo, Laamɗo mooɗon haɗi ɗuum fuu.

Ibraninkooɓe 10:28

Si neɗɗo salake Tawreeta Muusaa oon fu, waraama e dow seedaaku yimɓe ɗiɗo naa tato, yurmataake.

Yoosuwa 23:16

Si on luttii amaana mo Joomiraaɗo, Laamɗo mon yamiri on oon, si on ɗowtanake allaaji goɗɗi, si on cujidanii ɗi fu, tikkere Joomiraaɗo saaman dow mooɗon, on kalkan law nder leydi lobbiri ndi o hokki on ndiin.

Yoosuwa 7:11

Israa'iila'en ngaɗi hakke. Ɓe luttii amaana mo kaɓɓidimmi e maɓɓe dow yamiroore am. Ɓe kooƴii kujje goɗɗe hakkunde kujje ɗe karminmi ɗeen, ɓe mbujjii ɗe, ɓe ngattii ley gineeji maɓɓe, ɓe cuuɗi.

Yoosuwa 7:15

Cappaaɗo saabe kujje cakkanteeɗe Joomiraaɗo oon faɗɗete ley yiite, kanko e ko o jeyi fuu, sabo o luttii amaana Joomiraaɗo, o semtinii leydi Israa'iila.»

Ardiiɓe 2:20

Tikkere Joomiraaɗo huɓɓi ɓe, de wi'i: — Saabe yimɓe ɓeen kalkii amaana mo ngaddunoomi e maamiraaɓe muɓɓen, saabe ɓe ɗowtanaaki jamirooje am,

Ardiiɓe 6:31

Ndeen Yowas wi'i dariiɓe ɗoon ɓeen: — Wo onon ngoni haɓanooɓe Ba'al naa? Wo onon njeyi daranaade mo naa? Kaɓanoowo mo fu, maayan gilla weetaay. Si Ba'al wo alla, ndelle haɓana hoore muuɗum saabe hirsirde muuɗum fusaande ndeen.