Fillitagol 17:19 - Dewtere Laamɗo Fulfulde Burkina Faso

¹⁹ O jogoo nde, imo jannga nde nyannde fuu haddi balɗe makko fuu faa o ekitoo kulol Joomiraaɗo, Laamɗo makko de o waɗa ko jamirooje ɗeen e sariyaaji ɗiin mbi'i fuu.

Fillitagol 17:19 ပူးပေါင်းရင်းမြစ်များ

2 Kaanankooɓe 22:10

O ɓeydi o wi'i: — Wooɗi du, Almaami Hilkiya hokkii kam dewtere. O janngi nde yeeso kaananke.

Yuhanna 5:39

Oɗon taykoo Binndi sabo on miilii on keɓan e majji nguurndam nduumiiɗam. De wo kanji jaati ceedantoo kam.

Fillitagol 11:18

Ndelle njogitoɗon jamirooje ɗe kokkammi on ɗeen ley ɓerɗe mon e ley yonkiiji mooɗon. Kaɓɓon ɗe e juuɗe mooɗon hono maande, takkon ɗe dow tiiɗe mon.

Fillitagol 4:10

Ciwtoron nyannde ndarinoɗon yeeso Joomiraaɗo, Laamɗo mooɗon tiinde waamnde Sinayi, nde Joomiraaɗo wi'annoo kam: — Kawrondinaa jamaare Israa'iila yeeso am faa mi waɗa ɓe nana konngol am de ɓe ekitoo hulude kam haddi nguurndam maɓɓe ley duuniyaaru fuu. Ɓe ekintina ngol ɓiɓɓe maɓɓe.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

Fillitagol 5:1

Muusaa noddi yimɓe Israa'iila fuu de wi'i ɗum'en: Onon Israa'iila'en, kettinee jamirooje e sariyaaji ɗi kollammi on hannden. Ekitoɗon ɗi de ngaɗon ko ɗi mbi'i.

Yoosuwa 1:8

Taa dewtere Tawreeta ndeen woɗɗoo e hunnduko maa. Janngu nde jemma e nyalooma fuu, ɗowtanoɗaa ko winndaa ley mayre fuu. Noon ɓeydortoɗaa yaade yeeso, ko ngollata fuu barkinte.