Fillitagol 17:1 - Dewtere Laamɗo Fulfulde Burkina Faso

¹ Taa cakkanon Joomiraaɗo, Laamɗo mooɗon nagge naa mbaalu naa mbeewa ngoodunga male feere feere sabo ɗum na laatii ko harmi yeeso muuɗum.

Fillitagol 17:1 ပူးပေါင်းရင်းမြစ်များ

Fuɗɗoode 41:19

Caggal ɗuum na'i jeɗɗi goɗɗi njalti. Wo ɗi pooƴuɗi, bonɗi alhaali sanne, ɗi mbelaa ndaarude, abada mi yi'aay hono majji bonde alhaali ley leydi Misira.

Wurtagol 12:5

Sanaa tawee jawgel ngeel maa damngel ngeel walaa malal, tawee du ngel waɗii hitaande. Itton dammuccere ndeen hakkunde ɓiɓɓe baali maa be'i.

Banndi 11:1

Etirde nde fotaay na nyiddinii yeeso Joomiraaɗo, de etirde fotunde kaa na weli mo.

Banndi 15:8

Sadaka bonɓe na nyiddinii yeeso Joomiraaɗo, ammaa du'aare dartiiɓe na weli mo.

Banndi 20:10

Ponndirɗe e etirɗe ɗe kuuɓaay ina nyiddinii yeeso Joomiraaɗo.

Banndi 6:16

Kujje jeegom, faa jeɗɗi na nyiddinii yeeso Joomiraaɗo. Kujje jeegom arane ɗeen ngoni:

Lewinkooɓe 1:3

Si kirsamaari ndiin wo nagge fu, tawee wo ngaari ndi walaa malal. Ndi waddee dammbugal hukum Ceniiɗo faa ndi laatoo sadaka belɗo Joomiraaɗo.

Limle 29:8

Ngaɗanon Joomiraaɗo sadaka buleteeɗo mo uurngol belngol ɗum. Ɗuum woni ngaari e njawdiri e njawkoy njeɗɗoy koy ndunngu ngootu, tawa ɗi fuu ɗi ngalaa malal.

Fillitagol 15:21

Si tawii ndaaba ngaan na woodi malal hono mbumnga naa laƴoowa naa malal feere fu, taa cakkanon ɗum Joomiraaɗo, Laamɗo mooɗon.

Fillitagol 23:18

Israa'iilanke debbo e gorko fuu kaanaa taweede hakkunde waɗooɓe woykuraaku saabe diina.

Fillitagol 24:4

gorko artinooɗo ɓaŋi o de seeri o oon waawaa adude o waɗa deekum katin gaɗa ko o tuuninaa ɗuum. Ɗuum wo ko nyiddinii yeeso Joomiraaɗo. Taa paɗɗon leydi ndi Joomiraaɗo, Laamɗo mooɗon hokkata on laatoo ndongu mon ndiin ley hakke.

Fillitagol 25:16

Sabo gaɗuɗo noon e gollirɗo jammba fuu, laatake karmuɗo yeeso Joomiraaɗo, Laamɗo mooɗon.

Fillitagol 7:25

Mbulon tooruuji maɓɓe ɗiin. Taa eelon kaŋŋe naa cardi ko woni dow tooruuji ɗiin. Taa kooƴanon ɗum ko'e mooɗon sabo iɗum waawi laatanaade on tuugol. Wo ɗe kujje karmuɗe yeeso Joomiraaɗo, Laamɗo mooɗon.

Ibraninkooɓe 9:14

Ndelle walaa ko haali haala ƴiiƴam Almasiihu ɗaam! E baawɗe Ruuhu duumiiɗo oon, Almasiihu hokkii hoore muuɗum Laamɗo no kirsamaari ndi walaa laru. Ɗum waɗi de ƴiiƴam makko laaɓinan miilooji ɓerɗe meeɗen e golleeji jaarooji en to maayde, faa ndewen Laamɗo Buurɗo oon.

1 Piyeer 1:19

Almasiihu wo laatiiɗo jawgel kiɓɓungel, ngel walaa malal. Oon soottitiri on ƴiiƴam muuɗum tedduɗam.