Fillitagol 16:3 - Dewtere Laamɗo Fulfulde Burkina Faso

³ Wakkati iidi oon fuu, taa nyaamon ko jillaa rabilla. Ley balɗe jeɗɗi ɗeen fuu, nyaamon buuru mo jillaaka rabilla. Buuru oon wo miccintinoowo on torra, sabo e henyaare mburtoriɗon leydi Misira. Noon ngatton faa miccitoɗon nyannde mburtinoɗon leydi Misira faa haddi balɗe mon fuu.

Fillitagol 16:3 ပူးပေါင်းရင်းမြစ်များ

1 Kaanankooɓe 22:27

Mbi'aa: — Wo miin kaananke Israa'iila wi'i: Nannon Mikaya ley kasu, de oɗon kokka ɗum buuru e ndiyam seeɗakal tan, faa ɗo ngartumi e jam.

Wurtagol 12:11

Inan no nyaamroton teewu nguun: Kaɓɓoɗon kaɓɓorɗe mooɗon, ɓornoɗon paɗe mooɗon, njogoɗon cabbi mooɗon. Karoɗon, nyaamon law. Wo ɗum iidi Faltagol Joomiraaɗo.

Wurtagol 12:17

Ngaɗon Iidi Buuru mo Jillaaka Rabilla, sabo wo nyalaande majjum pay mburtinirammi on geɓe geɓe ley leydi Misira. Miccitoɗon, nyalaande ndeen laatanoo on yamiroore heddotoonde ley jamaanuuji garooji fuu faa abada.

Wurtagol 12:39

Ɓe kooƴi conndi ndiibaandi ndi ɓe ngaɗunoo gilla Misira ndiin, ɓe ca'i, ɓe ngaɗi buuruuje daɓɓe ɗe njillaaka rabilla. Ɓe keɓayno jillude rabilla ley conndi ndiibaandi ndiin sakko ndi ƴuufa, sabo ɓe ndiiwaama ley Misira, wooɗi du ɓe mbaawaay hooƴande ko'e maɓɓe njooɓaari.

Wurtagol 12:8

Ley jemma oon, ɓe nduppa teewu nguun, ɓe nyaamda ngu e buuru mo jillaaka rabilla e haakooji kaaɗuɗi.

Wurtagol 34:18

Ngaɗaa iidi Buuru mo Jillaaka Rabilla. Nyaamron buuru oon balɗe jeɗɗi hono no njamirmi on noon. Ngaɗon iidi oon ley lewru Abib, sabo wo ley mayru mburtiɗon leydi Misira.

Lewinkooɓe 23:6

Nyannde 15 lewru nduun, ngaɗanon Joomiraaɗo iidi Buuru mo Jillaaka Rabilla. Nyaamiron buuru oon balɗe jeɗɗi.

Limle 28:17

Nyalaande 15 lewru nduun, hiiro iidi ngoon fuɗɗata. Ngo waɗiree balɗe jeɗɗi. Buuru mo Jillaaka Rabilla tan nyaametee haddi balɗe jeɗɗi ɗeen fuu.

Limle 9:11

Ammaa wo 14 lewru ɗiɗaɓurdu gaɗa caamal naange ɓe njeyi waɗude ɗum. Ɓe nyaamda ɓinngel baalel ngeel e buuruuje ɗe ngaɗtaaka rabilla e haakooji kaaɗuɗi.

Luuka 22:19

Katin, o hooƴi buuru, o yetti Laamɗo, o heltii, o hokki ɓe, o wi'i: — Ɗum wo ɓanndu am hokkaandu saabe mooɗon. Ngaɗon ɗum faa miccitoɗon kam.

1 Korintunkooɓe 5:8

Ndelle, teddinen iidi ndiin, de wanaa e rabilla kiiɗɗo mo hakke e bonanda oon teddinirten. Ammaa teddiniren ndi buuru mo walaa rabilla, buuru laaɓal e goonga.

Fillitagol 16:2

Ngaɗanon Joomiraaɗo, Laamɗo mooɗon kirsamaaji saabe iidi oon. Itton kirsamaaji ɗiin ley cogge mon na'i naa baali naa be'i de cakkon ɗi ley nokkuure nde o suɓoytoo faa o tabintina innde makko ndeen.

Fillitagol 4:9

Ammaa ndeentee, kakkilee faa wooɗa taa njeggiton ko njiiruɗon gite mon ɗuum. Taa ɗum wurtoo e ɓerɗe mooɗon haddi nguurndam mooɗon fuu. Ekintinon ɗe ɓiɓɓe mooɗon e taaniraaɓe mooɗon.

1 Tesaloniyankooɓe 1:6

On nyemmbitii min, on nyemmbitii Joomiraaɗo, sabo fay ko torraɗon torraaji mawɗi ɗuum, on njaɓɓake konngol Laamɗo. On njaɓɓorake ngol e seyo ngo Ruuhu Ceniiɗo hokkata.

Yoosuwa 4:7

njaaboɗon ɓe, mbi'on: «Ndiyam Urdun ɗaam darakeno yeeso keesuwal Amaana Joomiraaɗo wakkati min njaari ngal de min peƴƴiti gooruwol ngool.» Kaaƴe ɗeen laatanto yimɓe Israa'iila maande (miccinoore) faa abada.