Fillitagol 16:21 - Dewtere Laamɗo Fulfulde Burkina Faso

²¹ Taa ndarnon leggal tooru Asera fay gootal ɗakkol sakkirde nde nyiɓanton Joomiraaɗo, Laamɗo mooɗon ndeen.

Fillitagol 16:21 ပူးပေါင်းရင်းမြစ်များ

1 Kaanankooɓe 14:15

Joomiraaɗo fiyan Israa'iila'en, ɓe ndimmborto hono no huɗo daande maayo dimmborto ni. Joomiraaɗo ɗoofan ɓe e leydi lobbiri ndi hokkunoo maamiraaɓe maɓɓe, de sankita ɓe faa gaɗa maayo Efrat, sabo ɓe tikkiniri ɗum ko ɓe ngaɗi tooruuji bi'eteeɗi Asera ɗuum.

1 Kaanankooɓe 16:33

Ahabi waɗani tooru Asera bimmbeere. O tikkini Joomiraaɗo, Laamɗo Israa'iila. O ɓernini ɗum faa ɓuri kaanankooɓe Israa'iila artiiɓe mo fuu.

2 Kaanankooɓe 17:16

Ɓe njoppi jamirooje Joomiraaɗo, Laamɗo maɓɓe ɗeen fuu de ɓe ngaɗani ko'e maɓɓe nga'oy kaŋŋe ɗiɗoy. Katin ɓe ndarni leɗɗe tooru Asera, ɓe kofii yeeso annooraaji kammu fuu de ɓe ɗowtanii tooru Ba'al.

2 Kaanankooɓe 21:3

O nyiɓitii nokkuuje cakkirɗe ɗe baabiiko Hesekiya fusunoo. O waɗani tooru Ba'al cakkirɗe, tawti leggal tooru Asera, hono no Ahabi kaananke Israa'iila waɗirnoo noon. O sujidani annooraaji kammu, o teddini ɗum'en.

2 Kaanankooɓe 21:7

O waɗi leggal tooru Asera de o darni ngal ley suudu Joomiraaɗo ndu wi'unoo Daawda e ɓiyum Suleymaana: — Ley suudu ndu, nder galluure Urusaliima nde cuɓiimi hakkunde lenyi Israa'iila fuu, wo ɗoon tabintinanmi innde am faa abada.

Wurtagol 34:13

Ndelle sanaa kalkon cakkirɗe maɓɓe ɗeen. Kelon bimmbeeje tooruuji maɓɓe de coppon leɗɗe maɓɓe darnaaɗe ɗe tooru Asera ɗeen.

Lewinkooɓe 26:1

Taa ngaɗanon ko'e mooɗon allaaji goɗɗi. Taa ndarnanon ko'e mon tooruuji maa bimmbeeje kaaƴe wooɗi du, taa ndarnon kaaƴe cehaanɗe ley leydi mooɗon faa cujidanon ɗum. Miin woni Joomiraaɗo, Laamɗo mooɗon.

Fillitagol 7:5

Inan no haani ngaɗon ɓe: kalkon cakkirɗe maɓɓe, kelon kaaƴe maɓɓe tooruuji, keltoɗon leɗɗe maɓɓe darnaaɗe ɗe tooru Asera ɗeen. Mbulon tooruuji maɓɓe ɗiin fuu.

Ardiiɓe 3:7

Wooɗi, Israa'iilankooɓe ngaɗi ko boni yeeso Joomiraaɗo. Ɓe njeggiti Joomiraaɗo, Laamɗo maɓɓe, ɓe cujidani tooruuji bi'eteeɗi Ba'al e tooruuji dewi bi'eteeɗi Asera.