Fillitagol 16:16 - Dewtere Laamɗo Fulfulde Burkina Faso

¹⁶ Worɓe leydi mon fuu kawrita yeeso Joomiraaɗo, Laamɗo mooɗon ley nokkuure nde suɓoytoo ndeen kile tati ley hitaande fuu. Ɓe njaha toon wakkati iidi Buuruuje ɗe njillaaka rabilla e iidi Jeɗɗiije e iidi Tenndeeje. Taa ɓe njaha yeeso Joomiraaɗo juuɗe ɓole.

Fillitagol 16:16 ပူးပေါင်းရင်းမြစ်များ

1 Kaanankooɓe 9:25

Ley hitaande fuu, kile tati Suleymaana waɗata sadakaaji buleteeɗi e jeɗeteeɗi dow hirsirde nde nyiɓani Joomiraaɗo ndeen. Imo wula du urdiiji yeeso Joomiraaɗo. Noon golle suudu Dewal Mawndu nduun timminiraa.

Isira 3:1

Nde lewru jeɗɗaɓurdu darinoo, Israa'iilankooɓe wartuɓe njooɗii ley gure muɓɓen ɓeen fuu kawriti ley huɓeere Urusaliima.

Nehemiya 8:15

Saabe ɗuum, ɓe nelani ley gure maɓɓe e ley Urusaliima fuu, yimɓe mbi'ee: — Mburtee njehee dow tile, coppon licce jaytun e licce tamorooje e iri leɗɗe feere feere gooduɗe haako faa tenndeeje ndarnee, hono no winndiraa noon.

Wurtagol 34:20

Awru araawa fuu, rimɗiniree jawgel naa damngel. Si a rimɗinaay nga fu, sey kelaa daande magga. Awruuɓe ɓiɓɓe maaɗa fuu, ndimɗinaa ɗum'en. Taa fay gooto wara yeeso am junngo ɓolo.

Wurtagol 34:24

Mi riiwan lenyi yeeso mooɗon faa mi yaajina leydi mooɗon. Wakkati njahoyton faa ndu'ooɗon yeeso Laamɗo Joomiraaɗo kile tati ley hitaande ndeen, fay gooto muuyataa teetude leydi mooɗon.

Lewinkooɓe 23:34

Kaaldaa e Israa'iila'en mbi'aa ɗum'en: Nyannde 15 lewru jeɗɗaɓurdu, ngaɗanon Joomiraaɗo Iidi Tenndeeje faa waɗa balɗe jeɗɗi.

Matta 2:11

Ɓe naati ley suudu nduun, ɓe nji'i cukalel ngeel e inniigel Mariyama. Ɓe kippii e leydi, ɓe cujidani ngel. Ɓe njaltini gineeji maɓɓe, ɓe teddiniri ngel kaŋŋe e sii uurdi mbelndi e ɗakke uurɗe bi'eteeɗe miiri.

Marka 12:3

Ɓe nanngi nelaaɗo oon, ɓe piyi ɗum, ɓe njeccini ɗum juuɗe ɓole.

Yuhanna 7:2

Tawi iidi Alhuudiyankooɓe mbi'eteendi Hukumuuji ɓadake.

Fillitagol 16:15

Ngaɗiron iidi oon balɗe jeɗɗi saabe Joomiraaɗo, Laamɗo mooɗon ley nokkuure nde suɓoytoo ndeen sabo o barkinan gese mon e golleeji mon fuu. Ndeen on ceyoto seyo manngo.

Fillitagol 16:17

Mono e maɓɓe fuu hokka ko waawi fodde no Joomiraaɗo, Laamɗo mooɗon barkiniri ɗum.

Fillitagol 31:11

nde jamaare Israa'iila fuu warata daroo yeeso Joomiraaɗo, Laamɗo muuɗum ley nokkuure nde suɓoytoo ndeen, njanngon dewtere Tawreeta ndeen yeeso maɓɓe.

1 Samuwiila 1:3

Hitaande fuu gorko oon na dillannoo wuro muuɗum faa yaha wuro Siilo, faa sujidana Joomiraaɗo Jom Kammu e Leydi de hirsana ɗum kirsamaaji. Ina woodunoo almaami'en Joomiraaɗo toon, Hofni e Pinahas, ɓiɓɓe Eli.

1 Samuwiila 6:3

Ɓeen mbi'i: — Si oɗon njeccina keesuwal Alla Israa'iila'en fu, taa njeccinon ngal ɓolal. Tilay njeccindinon ngal to makko e dokkal njobdi hakke mooɗon. Ndeen on ndannete, on paaman du ko waɗi junngo makko na heddii na teddani on.