Fillitagol 16:15 - Dewtere Laamɗo Fulfulde Burkina Faso

¹⁵ Ngaɗiron iidi oon balɗe jeɗɗi saabe Joomiraaɗo, Laamɗo mooɗon ley nokkuure nde suɓoytoo ndeen sabo o barkinan gese mon e golleeji mon fuu. Ndeen on ceyoto seyo manngo.

Fillitagol 16:15 ပူးပေါင်းရင်းမြစ်များ

Nehemiya 8:17

Yimɓe ƴuuruɓe e maccungaaku ngarti ɓeen fuu ndarnani ko'e muɓɓen tenndeeje, ɓe njooɗii ley majji faa iidi oon timmi. Ɓooyiino iidi hukumuuji waɗaaka, gilla e jamaanu Yoosuwa ɓii Nuun. Yimɓe ceyii sanne.

Ester 9:22

Saabe balɗe ɗeen Yahuudiyankooɓe keɓunoo baawɗe dow wayɓe muɓɓen. Ley lewru nduun, suno maɓɓe waylitii seyo, mettorgal maɓɓe du, waylitii weltaare mawnde. Iɓe ngaɗa hiirooji hitaande fuu wakkati lewru nduun, iɓe ceyoo, iɓe kokkondira dokke e nyaamdu, iɓe mballita talkaaɓe saabe ɓe keɓii jooɗaade e jam hakkunde wayɓe maɓɓe.

Fillitagol 12:5

Ammaa wo ley nokkuure nde Joomiraaɗo, Laamɗo mooɗon suɓoytoo hakkunde lenyi mooɗon faa waɗa joonde muuɗum de tabintina innde muuɗum ndeen tan njahoton pilowoɗon ɗum.

Fillitagol 16:10

Caggal ɗuum ngaɗanon Joomiraaɗo, Laamɗo mooɗon Iidi Jeɗɗiije. Ngaddon dokke yardamuye fodde no Joomiraaɗo barkiniri on.

Fillitagol 16:14

Ceyoɗon wakkati hiiro ngoon onon e ɓiɓɓe mon rewɓe e worɓe e maccuɓe mon e horɓe mon e Lewinkooɓe jooɗiiɓe ley galluuje mon e jananɓe e atiime'en e rewɓe ɓe goriraaɓe muɓɓen maayi wonɓe ley galluuje mooɗon.

Fillitagol 16:16

Worɓe leydi mon fuu kawrita yeeso Joomiraaɗo, Laamɗo mooɗon ley nokkuure nde suɓoytoo ndeen kile tati ley hitaande fuu. Ɓe njaha toon wakkati iidi Buuruuje ɗe njillaaka rabilla e iidi Jeɗɗiije e iidi Tenndeeje. Taa ɓe njaha yeeso Joomiraaɗo juuɗe ɓole.

Fillitagol 30:16

Ko njamirammi on woni njiɗon Joomiraaɗo, Laamɗo mooɗon, ndewon laabi muuɗum, ngaɗon ko jamirooje e sariyaaji e kiite muuɗum mbi'i. Si on ngaɗii noon fu, on mbuuran de ɗuuɗon, wooɗi du, o barkina on ley leydi ndi naatoton faa njeyton ndiin.

Fillitagol 7:13

O yiɗan on, o barkina on de o ɗuunna on. O barkinan ɓeyngu mooɗon, wooɗi du, o barkinan alkama mon e inaboojam mon e nebbam mon, e ɓiɓɓe gese mon fuu. Daabaaji mon pamari e mawɗi fuu ngaɗan barke ley leydi ndi o hunanii maamiraaɓe mon o hokkan on ndiin.