Fillitagol 16:12 - Dewtere Laamɗo Fulfulde Burkina Faso

¹² Miccitoɗon on laatakeno maccuɓe leydi Misira. Tinnoɗon e ɗowtanaade jamirooje ɗeen de ngaɗon ko mbi'i.

Fillitagol 16:12 ပူးပေါင်းရင်းမြစ်များ

Efeesunkooɓe 2:11

Ndelle miccitee ko ngonnoɗon arande, onon ƴuuruɓe e lenyi ɗi nganaa Alhuudiya'en. Mantortooɓe wo «taadiiɓe» ina kuyfina on, ina noddira on «yimɓe ɓe taadaaki» fay si taadagol maɓɓe ngool wo ko junngo ɓii-Aadama gollata e terɗe tan.

Fillitagol 15:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa rimɗini ma. Wo saabe ɗuum de miɗo hokke yamiroore ndee hannden.

Fillitagol 16:13

Ngaɗiron iidi Tenndeeje balɗe jeddi, wakkati timminɗon taƴude gese mon e inabooje mon.

Fillitagol 16:15

Ngaɗiron iidi oon balɗe jeɗɗi saabe Joomiraaɗo, Laamɗo mooɗon ley nokkuure nde suɓoytoo ndeen sabo o barkinan gese mon e golleeji mon fuu. Ndeen on ceyoto seyo manngo.

Fillitagol 5:15

Miccitoɗaa a laatakeno maccuɗo leydi Misira de Joomiraaɗo, Laamɗo maaɗa wurtiniri ma semmbe mawɗo. Saabe ɗuum de Joomiraaɗo, Laamɗo maaɗa yamiri ma kakkilanaa nyalaande fowteteende ndeen.